По видео обраќањето на украинскиот лидер пред сенаторите, претседателот Бајден најави нова воена помош од 800 милиони долари. Украинските сили започнаа контраофанзива додека разговорите за прекин на огнот меѓу Киев и Москва продолжуваат.
Соединетите Американски Држави издвојуваат дополнителни 800 милиони американски долари безбедносна помош за Украина, кои заедно со претходната транша од 200 милиони долари ќе бидат искористени за обезбедување на Украина со одбранбени системи и оружје против руската агресија.
Претседателот на САД, Џо Бајден го изјави ова во неговите забелешки во Белата куќа, јави дописникот на Укринформ.
Тој рече дека во саботата неговата администрација одобрила околу 200 милиони долари за да обезбеди постојан проток на оружје и муниција во Украина. Бајден рече дека сега повторно ги користи своите претседателски овластувања за да активира дополнителна поддршка во безбедносната сфера и да продолжи да и помага на Украина да го одбие рускиот напад, со уште 800 милиони долари безбедносна помош.
Така, рече тој, Соединетите Држави доделија повеќе од 1 милијарда долари нова безбедносна и одбранбена помош за Украина само во последната недела.
На барање на претседателот Володимир Зеленски, Соединетите држави сега и помагаат на Украина да купи дополнителни системи за воздушна одбрана со долг дострел и муниција за нив, додаде Бајден.
Новиот пакет помош вклучува и 9.000 противоклопни системи. Тој не прецизираше кои, но Пентагон претходно објави дека системи Javelin се подготвуваат за испорака. Дополнително, САД ќе и достават на Украина околу 7.000 митралези за лесно вооружување, како и фрлачи на гранати и пушки, кои ќе бидат корисни за луѓето кои дојдоа да ги бранат своите градови и села во Украина. Пакетот, исто така, вклучува над 20 милиони куршуми муниција за лесно оружје, гранати и минофрлачи. Соединетите Американски Држави ќе и обезбедат на украинската армија и беспилотни летала.
Подготвил Д.М.
