Оваа војна покажа колку многу не сакаа да го забележат тоа во нашата земја. Во нашиот народ. Колку светот веруваше во странска пропаганда и руски митови за Украина, а не во реалноста. Отсекогаш сме биле толку… храбри. Најхрабрите на светот, изјави украинскиот претседател Володимир Зеленски во синоќешното видео обраќање.
Руските пропагандисти планираат да ги искористат телата на убиените Украинци за да создадат уште еден лажен, чија цел е да ја обвинат украинската војска за масовни убиства, изјави Зеленски во видео обраќањето на 43-от ден од руско-украинска војна.
„Се повеќе пристигнуваат информации дека руските пропагандисти подготвуваат, така да се каже, „одговор во огледало“ на шокот на сите нормални луѓе од она што го видоа во Буча. Тие ќе ги покажат жртвите во Мариупол како да се убиени не од руската војска, туку од украинските бранители на градот“, рече Зеленски.
Според него, за да го направат ова, окупаторите собираат трупови по улиците, ги изнесуваат и можат да ги користат на друго место во согласност со разработените пропагандни сценарија.
„Имаме работа со напаѓачи на кои не им остана ништо човечко. За да ги оправдаат сопствените убиства, тие ги сфаќаат убиените едноставно како сценографија, како пропаганден реквизит“, рече тој.
Тој нагласи дека ваквите постапки се посебно воено злосторство, за кое секој од пропагандистите ќе одговара. Зеленски истакна дека се повеќе земји ширум светот ја поддржуваат потребата од целосна и транспарентна истрага за сите воени злосторства извршени од руските напаѓачи во Украина.
Тој рече дека секој случај на убиство ќе биде расчистен, секој мачител ќе биде пронајден, а сите кои извршиле силување или грабеж ќе бидат идентификувани. „Одговорноста е неизбежна“, рече Зеленски.
Д.Мишев
