• Latest

Црн народ

May 1, 2016

САД и Обединетото Кралство објавија нов трговски договор; За Трамп значи отворање огромен пазар, за Стармер е историски ден

May 8, 2025

Ватикан избра прв понтиф од САД; Роберт Превост е новиот папа Лео XIV

May 8, 2025

Парада на срамот и злосторството: Руските агресори не се ослободители, туку злосторници – ја присвојуваат победата над нацизмот

May 8, 2025

(ГАЛЕРИЈА)Масакрот во Корјукивка, Украина: Најбруталната казнена акција на нацистите во Втора светска војна

May 8, 2025

24 ЧАСА: Европа го одбележува Денот на Победата; Според Штајнмаер, Путин ја искривува историјата и ги крие злосторствата; Вучиќ „му фрли ракавица“ на Брисел

May 8, 2025

Честит Ден на победата во Европа, 8 Мај и Честит Ден на Европа, 9 Мај

May 8, 2025

Дурмиши повторно предупредува: Доколку има енормно зголемување на цените на прехранбените производи ќе се преземат поригорозни мерки

May 8, 2025
Фото: Фејсбук на Апасиев / Левица

Парадата на победата во Москва ги разобличува руските инсталации

May 8, 2025

Одбрана на демократијата, препораки и политики: Градење меѓуполитички и општествени сојузи

May 8, 2025
Фотографија: Wikipedia

Штајнмаер: Со воената агресија на Путин, болно е да се признае дека ослободителите на Аушвиц станале новите агресори

May 8, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home ПОЛИТИКА

Црн народ

May 1, 2016 09:39
in ПОЛИТИКА, СЛОБОДНА ЗОНА
Share on FacebookShare on Twitter

Објавено на 3 мај 2015 година во Плусинфо и во „Слободен печат“

Социјалната неправда во Македонија одамна ги надмина границите на подносливото. Работничките права се газат секојдневно и насекаде. И работниците и невработените, социјалните случаи и сиромашните, хонорарците, студентите и учениците, дуќанџиите и земјоделците – сите се жртви на грабежливите структури на финансиска и политичка моќ во оваа земја.

Пишува: Џабир Дерала
Пишува: Џабир Дерала

Бирократски лавиринти, божемни реформи, бесмислени давачки, драконски казни, извршители, па и затвор – тоа се секојдневните закани за огромен број луѓе, додека малкумина уживаат во богатството и раскошот, со пари украдени од намачениов народ. Црн народ, како што пее Рацин.
Стотици милиони отидоа во мермер, во позлатени лајсни и стиропор, додека мајките мака мачат да ги нахранат своите деца денеска. Стотици милиони лебдат во етерот на контролираните медиуми, додека децата и младите се на улица, немајќи каде да се одбранат од апсурдните реформи во образованието. Местата каде луѓето треба да побараат здравје, станаа места на хорор и смрт.
Таму каде што треба да се побара работа, се нуди партиска книшка. Трудот, наместо да биде награден, стана безвреден. Работниците уште да плаќаат затоа што некој им дозволил да работат. И плаќаат! Плаќаат со своето здравје и уште повеќе – плаќаат со своето достоинство. Меѓународното право, Уставот на оваа земја, законите и прописите го штитат правото на работниците за синдикално организирање, штрајк и протест. Како изгледа тоа во овој вилает темен? Синдикалните лидери ги бркаат од работа, па и ги апсат и затвораат.
Душко Илиевски го водеше протестот на млекарите. Тој, брат му и татко му завршија в затвор, како последни дилери на дрога. Д-р Дејан Ставриќ го водеше најдолготрајниот штрајк во историјата на Македонија, штрајкот на здравствените работници. Цели 44 дена траеше штрајкот против понижувањата, уцените, притисоците и партизираноста во здравството. Лидерот на овој штрајк го апсеа со специјалци. Сѐ уште е на суд, обвинет за корупција.
За тоа време, главниот синдикалец, лидерот на Сојузот на синдикати на Македонија, Живко Митревски, седи во скутот на власта и ја крепи розовата слика за социјалната држава Македонија. Иако му се кренаа над 30.000 членови на ССМ (половината од членството) само за да го прифати противкандидатот за претседател на ССМ, Симон Силјановски, Живко даде сѐ од себе да ја елиминира оваа можност. Сам владее со ССМ, сам дели плата на своите послушници и на персоналот. Сам ги застапува правата и интересите, но своите и на власта, а не на работниците кои двојат од својата плата за тој да се вози во луксузните коли од возниот парк на ССМ. И не прифаќа противкандидат. Зошто? Затоа што му е страв дека ќе ја изгуби фотелјата, измастена од потта и маката на македонските работнички и работници.
И додека ги гледаме рекламите за здрава храна, за среќните работници, земјоделци, студенти, мајки…
Работниците по фабриките, странски и домашни, ги третираат како животни. Не смеат да седнат, не смеат да проговорат, туку само да работат – напорно и непрекинато, во услови својствени за раните фази на капитализмот, опишани во романите на Чарлс Дикенс. Работат по најмалку осум часа дневно, често и за време на викенди и празници. Неретко, имаат само по неколку часа меѓу две напорни смени. За колку? За 150-200 евра месечно. И треба фала да кажат. Мораат! Ако не се клањаат пред газдите, шефовите и партиските капетани – ќе завршат на улица. Фабричкото обезбедување е како служба во конц-логор, во истиот миг кога ќе забележат дека некој се бунтува, го земаат и го исфрлаат од кругот на фабриката. Тоа е воедно и отказ.
„Како куче ме истераа на улица“, вели еден соговорник на моите колешки и колеги од ЦИВИЛ кои ја крстосуваат Македонија во потрага по вистинската слика за социјалната состојба и работничките права.
Во денешно време, во Македонија е привилегија да бидеш и невработен. Во административниот бездушен систем кој го создаде власта, тешко е да се задржи тој статус кој, колку-толку, обезбедува некоја основна здравствена заштита во руинираниот здравствен систем.
Една самохрана мајка го изгуби статусот на невработена, само затоа што дента кога морала да застане во ред и да се пријави во Агенцијата за вработување, морала своето болно дете да го однесе во болница во Скопје. Требаше да застане во ред пред општинскиот комитет на Партијата. Да. Партијата! Таа вработува или отпушта, таа гали или тепа.
Жените во текстилните погони земаат плати од 100 до 200 евра. По девет-десет часа наведнати над машината, молкум шијат облека што тие и нивните семејства не можат да си ја дозволат. Зиме со јакни, шалови и ракавици на кои им се исечени врвовите за да ракуваат со машината, на провев и во студени простории зиме, истите што лете се жешки и непроветрени. Кокошко, краво и други животни се називите кои се наменети за нив. Пцостите и навредите се дел од обраќањето кон овие жени кои се нечии мајки, сестри, сопруги и девојки.
На полињата аргатуваат армии луѓе кои некогаш биле работници или заработувале за себе како мали сопственици. Надвор од системот, сега тие се оставени на милост и немилост на газдите кои плаќаат мизерни надници на рака, ако ги исплатат воопшто. Нема кој да ги види, слушне, одбрани. Не ни сакаат да проговорат, не сакаат никој да ги одбрани. А нема ни кој да ги брани, бидејќи системот ги брани богатите и суровите. Како што би рекол другарот Синиша Станковиќ, овие се како Суперхик од стрипот Алан Форд, крадат од сиромашните за да им дадат на богатите.
Човечки судбини се решаваат со едно копче на тастатурата од компјутеризираната администрација. На тоа копче пишува DELETE – ИЗБРИШИ. Да, луѓето се збришуваат со еден потег, со еден прст со налакираните нокти на партиските послушнички зад шалтерот.
И приватниците примаат списоци на партиски послушници за вработување. Кутрите. Кулучат за партијата без пари, а потоа се нафаќаат да работат како аргати за друг и одвај да врзуваат крај со крај со своето семејство. И послушно да носат уште еден јарем.
Среќен ви Први мај, копачки и копачи на трудот, црн народ!

Print Friendly, PDF & Email
Tags: 1 МајексплоатацијаМакедонијаработнички правасоцијална правда
Share33Tweet21Send

НАЈЧИТАНИ 5

  • Пандов љубител на костимирани настапи: ангелче, комита, моторџија, историчар, директор, а сега влезе и во мафијашки филм

    142 shares
    Share 57 Tweet 36
  • Зошто надворешната политика на владата на ДПМНЕ е антинационална и стана „тажната приказна“ на Балканот

    121 shares
    Share 48 Tweet 30
  • Тричковски: Медиумите се за граѓаните тоа што е златицата за компирите!

    97 shares
    Share 39 Tweet 24
  • Мрежа за заштита на жените Ромки: Фемицидот врз Рамајана не е изолиран инцидент; 142 случаи на семејно насилство врз ромски жени регистрирани во 2024

    95 shares
    Share 38 Tweet 24
  • ПОРТОКАЛОВА ГЛАВА НА ТЕГЕТ ОДЕЛО: Трамп, дрско и без почит, во потрага по внимание на погребот на Папата

    92 shares
    Share 37 Tweet 23

CIVIL MEDIA NEWSLETTER

Check your inbox or spam folder to confirm your subscription.

CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ