На Фејсбук се појавија фотографии што укажуваат на една поинаква реалност во строгиот центар на Куманово, слика што може да се види и во Скопје и во повеќе други градови низ нашата земја.
Како што се вели во описот на фотографијата, ова не е изолиран случај, а авторката вели дека истата локација е како мала депонија. Може да се забележи дека е засолниште и на малтретирани животни. Децата претежно се бездомници и под дејство на дрога.
И само авторот на оваа фотографија и безбројните коментари на осуда, ЦИВИЛ како организација за човекови права и слобода упатува повик до институциите за итно решавање на проблемот и згрижување на децата. ЦИВИЛ бара да се истражи колку деца се наоѓаат во ваква состојба и решение за подобрување на нивната сосотјба.
Ова не е изолиран случај во Куманово, како што забележува авторката на фотографија. Граѓанска новинарка од Куманово, на истиот локалитет Гарнизон, пред неколку години забележала момче кое во раните утрински часови спиело врз бетонот, на одмаралиштето на скалите, покриено со старо ќебе и други стари и неупотребливи ткаенини најдени во контејнер.
Таа се обратила во Центарот за социјални работи во Куманово – дали имаат сознанија колку деца незгрижени спијат на улица. Оттаму ѝодговориле дека немаат сознанија и водат евиденција само за децата-питачи, кои во бројни случаи, сепак, имаат место за живеење. Проблемот останува на „улица“, без некоја од институциите да преземе одговорност.
Б. Јордановска
Преземање на содржините e ЗАБРАНЕТО (!!!), освен со писмена дозвола од ЦИВИЛ и тоа исклучиво според Условите за користење, авторски права и заштита на приватноста. Повредата на авторските права е забранета со закон. Врз основа на договор за соработка, оваа содржина е достапна за Плусинфо и Слободен печат без ограничувања.