Програмата ја подготви ГОНГ, во соработка со здруженијата „Курзив“ и „Домино“ од Загреб, „Центарот за културна деконтаминација“ од Белград, „Хелсиншкиот парламент на граѓани од Бања Лука“, ЦИВИЛ – Центар за слобода од Скопје, „Анима“ од Котор, „Култура на промени“ – Студентски центар од Загреб и фондацијата „Солидарна“, со финансиска помош од програмата за поддршк „Европа за граѓаните“.
Регионалната конференција „Во потрага за граѓанките и граѓаните“ е осмислена како простор за потсетување, размена и споделување на искуства, меѓуодноси и влијанија на уметничките, активистичките и медиумските иницијативи во градењето на мир, заштита на граѓанските и човековите права, околината и јавните ресурси кои од доцните 80-ти, до денес, замислувале, создавале и промовирале идеи и практики на демократизација, сместувајќи ги граѓанките/граѓаните во позиција на политички субјекти и творци на општествено значење.
По воведните говори на Сузана Јашиќ и Ненад Закошек, во име на организацијата ГОНГ, конференцијата ќе отвори интерактивен перформанс “Never Again. Never. Again?“ („Никогаш повторно. Никогаш. Повторно?“) на босанската уметница Елма Селман.
Од 19 часот ќе биде отворена изложба „Отпор, движење, промена: фрагменти на активистичката и уметничката практика од доцните 80-ти“ во организација на здружението „Курзив“ и кустосот Мартина Контошиќ. Изложбата ќе биде отворена од 13 до 22 април. Преку фрагментација на различни активистички борби на изложбата ќе бидат претставени дела на Нико Аутор, Игор Грубиќ, Адела Јушиќ, Синиша Лабровиќ, Владимир Миладиновиќ, Албана Мује, Мирослав Стојановиќ, документација на делата на Сања Ивековиќ, филм на Наташа Нелевиќ и група уметници. Постоечките дела во предворјето на киното на Студентскиот центар, ќе бидат придружени со три нови продукции, одбрани по пат на натпревар на фондацијата „Солидарна“ и здруѓенијарта „Курзив“, „Домино“ и ГОНГ – делата на Ивана Аманини „Ѕидови“, Јасна Жмак „Јас сум иднината“ и перформансот „Никогаш повторно. Никогаш. Повторно?“ на Елма Селман, кој по изведбата, ќе стане физички дел од изложбата.
Во 20 часот во полукружната сала на Театарот&ТД следи изведба на монодрамата „Постдипломско образование“ на Вилим Матула и Синиша Лабровиќ, во режија на Борна Арманини, со музика на Игор Павлиќ, а во 21 часот почнува „Музичка активистичка слушална“ на Илко Чулиќ која ќе прерасе во забава, журка и дернек.
