НАДОМЕСТОК Први мај, Денот на трудот е државен празник и е неработен ден за сите. Министерството за труд и социјална политика потсетува дека работниците кои работат на во празнични денови, според Законот за работните односи, имаат право на надоместок на плата и додаток на плата.
ИСЧЕЗНУВАЊЕ Сите проекции на многу земји во светот укажуваат дека вирусот секако ќе остане и дека во случај да не се почитуваат мерките, во случај повторно да се повторат оние предуслови во кои може да се зголеми трансмисијата, па дури и од несвесните асимптоматски носители, може да имаме нови и нови случаи, изјави министерот за здравство Венко Филипче, одговарајќи на новинарско прашање во однос на тоа како тој ја коментира сингапурската студија дека вирусот Ковид-19 ќе исчезне до 16 јуни.
ПЛАТА На здравствени работници заболени од Ковид-19 нема да им се крати од платата за боледувањата. Министерот за здраство Венко Филипче денеска на прес-конференција изјави дека во однос на боледувањето на здравствените работници, решението е најдено и тоа веќе ќе се имплементира преку измена во Правилникот на Министерството за труд и социјална политика.
ТЕСТОВИ Бројот на тестови се намалува затоа што бројот на лица за кои се сомневаме дека се заболени од КОВИД-19 е сѐ помал, објави вечерва министерот за здравство Венко Филипче на Фејсбук.
ДРЖАВНА МАТУРА Се укинува државната матура, училишната матура и завршниот испит за оваа учебна година, одлучи Владата на денешната седница, изјави министерот за образование Арбер Адеми.
ОБРАЗОВАНИЕ Министерот за образование и наука Арбр Адеми денеска информираше дека уписите во средните и во основните училишта ќе се одвиваат според роковите. Конкретно, за средните училишта Адеми посочи дека во наредните денови ќе бидат донесени уредби за да се конкретизира како ќе се одвиваат уписите, а можеби и ќе бидат подготвени протоколи.
СУДСКИ И ЗАТВОРСКИ СИСТЕМ Министерката за правда Рената Дескоска преку видео-конференција со нејзини колеги од неколку европски држави споделила искуства поврзани со справување со ситуацијата со Ковид-19, кои пред сè, се однесуваат на правосудниот и затворскиот систем.
СИНДИКАТИ Владата и синдикалните организации дефинираа предлози кои се добра основа за решение за спроведување на финансиската поддршка за платите на работниците и за зачувување на работните места, објави денеска на Фејсбук премиерот Оливер Спасовски. Владата денеска соопшти дека заедно со синдикалните организации дефинирале предлози кои се добра основа за решение за спроведување на финансиската поддршка за платите на работниците и за зачувување на работните места.
БЕЗ ФИЛТЕР е називот на видео колумната на Џабир Дерала. Во првото издание тој говори на тема: Зошто ДУИ и ВМРО-ДПМНЕ се против реактивирање на Собранието?
А. Петровска
