ВЕСТ НА ДЕНОТ
Ние имаме јасна цел, а тоа е да се отвори кластерот фундаментални вредности што е можно поскоро. Речиси сме таму, треба да поминат уставните промени на кои вашата држава се согласи дека ќе ги направи. Со заеднички дијалог се надевам дека сите политички сили ќе се здружат во земјата и ќе направат потребните заеднички чекори за напредок и уверена сум исто како и вас дека можеме да ги надминеме пречките кои постојат, рече претседателката на ЕК, Урсула Фон Дер Лајен, на заедничката прес-конфернција со премиерот Христијан Мицкоски.
– Драг Христијан, бидете сигурен дека проширувањето ќе остане врвен пориоритет на Европската комисија во следните пет години. Сега ги имаме сите потребни алатки и инструменти за да го овозможиме тоа, рече таа.
ИЗЈАВА НА ДЕНОТ
„Остануваме цврсто посветена како Влада на својот пат кон полноправно членство во Европската Унија. Нашата визија е јасна, сакаме да бидеме дел од европското семејство, споделувајќи ги истите вредности на демократија, владеење на правото и почитување на човековите права“, изјави премиерот Христијан Мицкоски на заедничката прес-конференција со претседателката на Европската Комисија, Урсула фон дер Лајен.
РЕГИОН
Турција ги нападна позициите на ПКК во Ирак и Сирија
По терористичкиот напад во Анкара, Турција со проектили гаѓаше локации поврзани со курдската милитантна група Курдистанска работничка партија (ПКК) во северен Ирак и северна Сирија, соопшти турското Министерство за одбрана.
СВЕТ
САД го предупредија Маск дека подарувањето 1 милион долари за регистрирани гласачи може да биде нелегално, во други земји истото се смета за изборен поткуп
Во писмото испратено до Комитетот за политичка акција на Илон Маск од американското Министерство за правда (ДП) се предупредува дека неговото подарување во стил на лотарија од 1 милион долари дневно за регистриран гласач може да биде нелегално, јавуваат американските медиуми, пренесува Би-би-си.
ГРАЃАНСКА АКЦИЈА
ПРАШАЊЕ НА ДЕНОТ: Што мислите за празничните помилувања од претседателката Сиљановска Давкова?
ГОВОР НА ОМРАЗА
Жесток говор на омраза и експлицитен речник бележи мониторингот на ЦИВИЛ во голем број објави на социјалните мрежи во кои се релативизира изјавата на премиерот Мицкоски со која позитивно го оценува Преспанскиот договор. Така, во една од тие објави архивирани од мониторингот на ЦИВИЛ, стои „вие Вистиномер кај сте бе #СдсУчк пиШки платенички да реагирате за ФЕЈКОВ, м? Мамето ваше криминално предавничко испоцркавте ДЕНЕС од РЕМЕК СЕМАКЕДОНСКОТО ДЕЛО на Мицкоски“, пишува Марга на Х мрежата.
Истиот профил сподели скриншот од текст објавен на ЦивилМедиа со коментар: „Матер ти е**м РОСПИСКА ПЛАТЕНИЧКА со све Џабир кој ве к***а сите пиперкари на купче“.
СЛОБОДНА ЗОНА
„Повод за овој текст не се нападите и заканите против мене, туку храбрите луѓе кои излегоа јавно со коментари и пораки во моја одбрана.
Малку е да се каже дека е непријатно да се живее со мета на грбот. Мета кон која стрелаат „црните тројки“ на пропагандата на радикалните националисти (сите), ултрадесничарите, антизападните и проруските оперативни центри на влијание. Нападите се секојдневни. Чиста омраза и навреди, многу често вулгарни. И многу лаги, ноторни лаги“, пишува Џабир Дерала во колумната „Под огнот на омразата: Борбата за слобода, вистина и човекови права продолжува“.
*
Додека не стивнуваат острите реакции во јавноста на скандалозните празнични помилувања од претседателката, кога на листата за помилување што таа ја потпиша (без да знае за кои лица се вработи, според нејзината изјава) се најдоа и членови на нарко кланови и дилери на дрога, меѓу кои најшокантно е помилувањето на припадникот на нарко-клан „Барон“ Аќиф Равманоски, кој како осуденик е осомничен за пукањето во Чаир пред само осум дена со припадник на друга мафијашка група, пишува Драган Мишев во колумната „И нарко картелите горди на Гордана“.
Равманоски само што излегол од затвор по помилувањето од Давкова, повторно е уапсен за пукањето во Чаир пред 10 дена.
Д. Муратов
