Жесток говор на омраза и експлицитен речник бележи мониторингот на ЦИВИЛ во голем број објави на социјалните мрежи во кои се релативизира изјавата на премиерот Мицкоски со која позитивно го оценува Преспанскиот договор. Така, во една од тие објави архивирани од мониторингот на ЦИВИЛ, стои „вие Вистиномер кај сте бе #СдсУчк пиШки платенички да реагирате за ФЕЈКОВ, м? Мамето ваше криминално предавничко испоцркавте ДЕНЕС од РЕМЕК СЕМАКЕДОНСКОТО ДЕЛО на Мицкоски“, пишува Марга на Х мрежата.
Истиот профил сподели скриншот од текст објавен на ЦивилМедиа со коментар: „Матер ти е**м РОСПИСКА ПЛАТЕНИЧКА со све Џабир кој ве к***а сите пиперкари на купче“.
Македонскиот премиер Христијан Мицкоски во своето обраќање на 20. Европски самит во Салцбург посветен на ЕУ и реформите, (на 21 декември 2024), изјави дека дури и Бугарите да се внесат во Уставот, никој не гарантира дека тоа е последен услов за исполнување на некоја обврска и дека за шест месеци од сега нема да се бара нешто дополнително.
„Ако Преспанскиот договор беше ремек-дело на европската дипломатија, нешто што е, да речеме, брилијантно, зошто тогаш ова ремек-дело не го повториме за изнаоѓање на конечно, трајно и одржливо решение за овој вештачки спор“, рече Мицкоски.
Повеќе медиуми и новинари се најдоа на удар на вмровските ботови кои се обидуваат да ја релативизираат изјавата на премиерот Мицкоски дека Преспанскиот договор може да се преслика и за спорот со Бугарија.
Мицкоски дали бил ироничен или не, сепак, од изјавата што ја даде, заклучокот е јасен – се согласува дека Преспанскиот договор е добар (ремек-дело, рече) и дека би можело да биде модел за решавање на деценискиот спор со соседна Бугарија.
Скриншотовите од поголем број објави се архивирани од ЦИВИЛ Дезинфо Мониторинг Тимот (ЦДМТ). По барање на едно лице кое беше мета на говорот на омраза, тие се тргнати од првобитната објава, а соодветно на тоа беа тргнати и сите останати графички докази. Во секој случај, тие ќе бидат користени во иднина во рамките на извештаите и анализите на организацијата.
ЦИВИЛ уште еднаш апелира до надлежните институции да ја исполнат својата законска обврска да ги заштитат медиумските работници од насилството, како физичко, така и онлајн.
ЦДМТ
