Собранието ги прифати оставките на Ковачевски и Џафери; Јован Митревски од СДСМ е новиот претседател на Собрание; Пендаровски му го врачи мандатот за новиот состав на владата на Џафери
На денешната 139 собраниска седница беа прифатени оставките на премиерот Димитар Ковачевски и на претседателот на Собранието Талат Џафери.
Собранието денеска со 64 гласови „за“ и 40 „против“ го избра Јован Митрески од СДСМ за претседател на Собранието.
ВМРО-ДПМНЕ не гласаше Јован Митрески од СДСМ да биде претседател на Собранието до одржувањето на изборите.
Претседателот Стево Пендаровски денеска му го врачи мандатот на Талат Џафери за состав на преодната Влада која ќе функционира до изборот на новата влада која ќе се формира по парламентарните избори.
ИЗЈАВА НА ДЕНОТ
Битиќи: Очекувам пратениците да го донесат законот за нефер трговски практики
„Верувам дека пратениците на крај на мандатот ќе се одважат и ќе го донесат законот. Мислам дека тоа не е битно за ниту една влада, туку е важно за граѓаните. Затоа, еве, уште еден повик наредните два месеца, кога нема да има друг притисок зашто Владата нема да носи нови закони, пратениците да ги поминат сите останати закони кои се во собраниска процедура подолго време“, изјави Фатмир Битиќи пред почетокот на јавната дискусија за нацрт-текстот на „Националната стратегија за развој на интеркултурализмот и општествената кохезија 2024-2026“.
ВОЈНА ВО УКРАИНА
Чак Шумер, лидерот на демократите во Сенатот: Преговарачите сé поблиску до одобрување на помошта за Украина
*
Само пет тела донесени во мртовечницата во Белгород по мистериозната авионска несреќа на рускиот Ил-76, некои украински заробеници кои наводно биле во авионот веќе биле разменети претходно
ФЛЕШ ВЕСТИ
МАКЕДОНСКИ ЈАЗИК Пратениците го донесоа Законот за употреба на македонскиот јазик кој ќе го замени досегашниот од 1998 година. Законот беше дополнет со прифатени амандмани на матичната собраниска Комисија за култура и донесен во целина со гласовите на сите 96 присутни пратеници на 139-та седница.
М-НАВ Националниот оператор за воздухопловна навигација М-НАВ и официјално доби ново раководство по инцидентот на 4 јануари годинава со упад во објектот и напад на вработени. Нов претседател на Управниот одбор и извршен директор во Секторот за воздухопловна техника е Милан Кораќ.
АЛ-ПРЕС
Редакциски избор од албанските медиуми во регионот:
Епока е Ре: Брисел бара изборите на северот на Косово да се одржат што е можно поскоро
Коха: Во Звечан е отстранет билбордот со Вучиќ, Ѓоковиќ и Путин
Репортери: Српскиот динар ги „судри“ институциите на Косово со меѓународната заедница, се бара преиспитување на одлуката
Топ Чанел: „Целосно го поддржуваме СПАК“, Европската комисија жестоко и одговори на Грција за случајот Белери: Под истрага е, ова прашање му припаѓа на правдата
Панорама: Доцнењето во спроведувањето на имиграциските закони во Грција масовно ги погодува Албанците
Сури: Како да се заштитите од следниот „Мекгонигал“
АНАЛИЗА
„Доколку со внимание се следат содржините кои дел од македонските медиуми речиси секојдневно ги пласираат пред својата интернет публика, се добива впечаток дека ја преземале улогата на портпароли на власатите во Кремљ, и се во директна корелација и работат според насоките на планерите на кампањата на Путин за неговиот петти мандат на претседателски избори во Русија.“, Драган Мишев во анализата „Македонските медиуми како мегафони на Лавров и руската пропаганда“.
Подготви: Д. Тахири
