ВЕСТ НА ДЕНОТ
Се укинува институцијата економски директори во здравството
Владата ќе го усвои новиот закон за изменување и дополнување на Законот за здравствената заштита со кој ќе се укине институцијата економски директори во јавните здравствени установи, соопштија од Владата на Република Северна Македонија.
Според новите законски одредби, ќе се укине постоењето на две управувачки позиции – организациски и медицински директор кои досега беа присутни во здравствените домови со над 1.000 вработени, универзитетските клинички центри, универзитетските клиники, клиничките болници и институтите..
ИЗЈАВА НА ДЕНОТ
Петровска: Нема да прифатам никаква функција во СДСМ, и никој нема да ме замолчи
„Нема да прифатам никаква функција. Нема да бидам причина за неуспесите на СДСМ, ама преку какви било обвинувања некој се обиде да ме замолчи и за сметка на тоа да продолжат некои внатрешни игри, што му штетат на СДСМ и кои следната година ќе направат полош резултат, тогаш нема да има цена што ќе може мене да ме замолчи, па дури и да е критика, па дури и да биде побарана оставка од мене како пратеник.“, изјави поранешната министерка за одбрана и актуелна пратеничка на СДСМ, Славјанка Петровска.
РЕГИОН
Албанија прогласи дводневна национална жалост по смртта на Исмаил Кадаре
Владата прогласи дводневна национална жалост поради смртта на писателот Исмаил Кадаре.
Со одлука на Советот на министри, одлучено е да се прогласи национална жалост во вторник и среда, односно на 2 и 3 јули 2024 година, во чест на починатиот Исмаил Кадаре, истакната личност на албанското писмо.
СВЕТ
Казахстанскиот опозициски новинар Садиков кој беше во длабока кома по обидот за атентат, почина во Кијив
Познат по критиките кон казахстанската влада, Садиков со семејството побегна во Украина во 2014 година. Живееше во Кијив како бегалец задржувајќи го казахстанското државјанство.
По нападот, Садиков беше опериран и држен во критична состојба на интензивна нега во длабока кома. На 2 јули им подлегна на повредите. Имаше 55 години.
СЛОБОДНА ЗОНА
Во Слободна зона на ЦИВИЛ Медиа, денеска пишуваа: Љубомир Костовски – „ТикТок популизмот на крајната десница во „одбрана на нацијата“ или напад на демократијата: Пресвртница во Франција“, Сефер Тахири – Џентлментска влада, и Драган Мишев– Архиепископот Стефан му честиташе на новиот, проруски бугарски патријарх Даниил, братски ќе сослужуваат на браникот на Московската патријаршија.
Подготви: Д. Тахири
