ВЕСТ НА ДЕНОТ
Градоначалникот на Општина Карпош, Стевчо Јакимовски по шест години судење денеска беше осуден на неправосилна судска пресуда од три години и шест месеци затворска казна, соопшти попладнево Кривичниот суд. Според пресудата, административниот објект, односно новата општинска зграда за која е осуден за бесправна градба се одзема во корист на државата.
Со оглед дека на обвинетиот С.Ј му се суди истовремено за две кривични дела, судот откако претходно ги утврди казните за секое дело одделно, па за двете дела му изрече единствена казна во траење од 3 години и 6 месеци. Во изречената казна затвор на обвинетиот му се засметува и времето поминато во куќен притвор.
ИЗЈАВА НА ДЕНОТ
„Недостигот на целосна финансиска, организациска и функционална независност, отсуство на средства за реализација на проекти и промоција и заштита на правата на граѓаните кои се надлежност на Омбудсманот, недостиг на кадровскиот потенцијал претставуваат сериозен проблем кои влијаат директно во квалитетот, ефикасноста на нашата работа. Институцијата Народен правобранител има фундаментална улога во насока на промоција, афирмација и заштита на човековите права и слободи. Од друга страна, оваа улога не товари со поголема одговорност со цел на сите граѓани врз сите основи согласно Уставот и законите да им се помогне во реализацијата на нивните права“, изјави Народниот правобранител, Зибери во Собранието.
РЕГИОН
Земјотрес од 6,2 степени според Рихтер го погоди Истанбул
Земјотрес со јачина од 6,2 степени според Рихтеровата скала го погоди денеска регионот на Истанбул, јавија турските медиуми, повикувајќи се на извештај на Дирекцијата за управување со катастрофи и вонредни состојби (АФАД).
СВЕТ
Трамп најави дека царините за Кина „ќе се намалат значително“, навестувајќи потенцијален пресврт
Американскиот претседател Доналд Трамп сигнализираше потенцијален пресврт на неговата трговска војна со Кина во услови на континуирана нестабилност на пазарот, велејќи дека високите царини за кинески стоки „значително ќе се намалат, но нема да бидат нула“.
АЛ ПРЕС
Редакциски избор од албански медиуми: Пропадна и петтиот обид за конституирање на косовскиот парламент; Продолжува затворањето на паралелните српски институции во Косово; СПАК немилосрдно кон изборниот криминал
ПРАШАЊЕ НА ДЕНОТ: Дали ќе има правда за жртвите од пожарот во Кочани?
СЛОБОДНА ЗОНА
„Оние мали портали што се обидуваа да зборуваат нешто за непотизам, корупција, за локални афери, за тоа дека некој таму на некоја функција има повеќе фирми отколку читања на Библија – е па тие… немаат двајца вработени. Значи не се медиуми. Значи не се релевантни. Значи не постојат“, пишува Јане Ѓорѓиоски во „Или двајца вработени новинари, или мукла!“
Подготви: Б. Јордановска
