ВЕСТ НА ДЕНОТ
ЦИВИЛ: Време е за одговорност – демократијата е во опасност!
Меѓународниот ден на демократијата е потсетник дека слободата, правото и човековото достоинство не се дадени еднаш засекогаш. Тие се постојано загрозени од злоупотреби, насилство и политички манипулации. Демократијата бара активна грижа, учество и храброст – од институциите, граѓанското општество, медиумите, но и од секој поединец.
ЦИВИЛ – Центар за слобода порачува дека денес, повеќе од кога било, е потребно:
- да се брани независноста на институциите од партиски влијанија и корупција;
- да се заштити слободата на медиумите и новинарите од притисоци, закани и дезинформации;
- да се обезбеди правична застапеност и еднакви можности за сите граѓанки и граѓани, без оглед на етничка, верска, родова или друга припадност;
- да се охрабрува активно учество на младите во креирање на јавните политики и иднината на земјата.
Во Северна Македонија, предизвиците за демократијата остануваат големи: ерозија на довербата во институциите, злоупотреба на јавните ресурси, закани кон активисти и новинари, неказнивост на носителите на моќ. Овие појави ја поткопуваат суштината на демократијата и го разнебитуваат чувството на правда кај граѓанките и граѓаните.
ИЗЈАВА НА ДЕНОТ
– За сите лица со нерешено станбено прашање, коишто навистина немаат стан/куќа на свое име каде што би живееле, а се очекува дека тоа ќе бидат претежно млади лица и млади брачни парови, со новата одлука се дозволува, без да се наруши пристапот на прудентност, тие да добијат станбен кредит и со учество од 10 проценти од вкупната вредност на објектот за живеење. Наспроти ова, за сите останати случаи, минималното сопствено учество се зголемува од постојните 15 проценти на 25 проценти од вредноста на станот. Исто така, за корисниците на станбени кредити наменети за купување или градење прво живеалиште, ќе останат во важност досегашните лимити на показателот ДСТИ, коишто изнесуваат 55 проценти за изложеноста во денари и 50 проценти за изложеноста со валутна компонента. За сите останати баратели на кредити се предвидуваат пониски нивоа за овие показатели, и тоа од 50 проценти за изложеноста во денари и 45 проценти за изложеноста со валутна компонента, појасни Славески.
РЕГИОН
Руската разузнавачка служба ја обвини ЕУ дека финансира и подготвува „српски Мајдан“ на 1 ноември, на годишнината од падот на настрешницата во Нови Сад
Службата за надворешно разузнавање на Русија (СВР) објави дека Европската Унија стои зад „немирите во Србија“ во кои учествуваат млади луѓе, и дека годишнината од падот на настрешницата на 1 ноември ќе биде искористена за завршување на „српскиот Мајдан“.
Руската служба за надворешни работи состави список на независни медиуми кои се занимаваат со „перење мозок на српската младина“, објави Н1.
СВЕТ
Военото разузнавање на Украина (HUR) изврши хакирање за „кибер одмазда“ врз Руската Централна изборна комисија (ЦИК) на 14 септември како одговор на изборите одржани на окупираните украински територии, изјави извор на HUR за Кијив Индипендент на 15 септември.
Нападот се совпадна со денот на обединето гласање во Русија, кој вклучуваше избори за 21 гувернер, заменици на 11 регионални собранија и околу 47.000 општински лидери.
Шефицата на руската ЦИК, Ела Памфилова, призна „голем хакерски напад“ врз ресурсите на комисијата на 14 септември, велејќи дека интернетот бил исклучен во седиштето на ЦИК.
АЛ-ПРЕС
(ИЗБОР) Албански медиуми: Радоичиќ повторно го обезбедува Вучиќ; Дигиталната министерка „Диела“ предмет на полемики кај експертите; Суспензијата на САД на дијалогот со Косово предмет на различни интерпретации
„Александар Вучиќ уште еднаш јавно го ангажираше Милан Радоичиќ, заедно со своите терористи, да ги организира и обезбедува неговите политички колони“ посочи српскиот адвокат Чедомир Стојковиќ, инаку еден од нај острите критичари на српскиот претседател и влада, пренесоа косовските медиуми.
Во Албанија, новата дигитална министерка, „Диела“, предизвика полемики, меѓу кои се обвинува за кршење на Уставот, пишуваат албанските медиуми.
ФОРУМ
ПРАШАЊЕ НА ДЕНОТ: Скопје се гуши – што прави власта?
ДУПЛО ЕСПРЕСО со Џабир Дерала и Драган Мишев: Воени провокации во Полска, македонскиот одговор и други стории
СЛОБОДНА ЗОНА
Студија на случај од Северна Македонија: како неоснованото користење на поимот „хибридни напади“ и непотребното драматизирање го девалвираат сериозниот безбедносен концепт, ги прикриваат неуспесите на функционерите и ја политизираат заштитата на животната средина и управувањето со отпадот. Важно е да се потенцира дека хибридните закани не треба да се потценуваат, и оваа анализа не е таков обид, пишува Џабир Дерала во колумната „Манипулативна злоупотреба на поимот „хибридни напади“: Кога државата си измислува непријатели“.
Д. Муратов
