Украинскиот претседател Володимир Зеленски и американскиот претседател Доналд Трамп се сретнаа во Ватикан пред погребот на папата Франциск – нивната прва средба лице в лице од острата пресметка во Овалната соба во февруари, објави Би-би-си.
Двајцата беа фотографирани како дискутираат, неколку минути пред почетокот на погребот на покојниот папа.
Белата куќа ја опиша 15-минутната средба во базиликата „Свети Петар“ како „многу продуктивна“, а Зеленски ја нарече „многу симболична“ со „потенцијал да стане историска“.
По заминувањето од Рим подоцна во текот на денот, Трамп го нападна рускиот претседател Владимир Путин, доведувајќи ја во прашање неговата подготвеност да ја заврши војната интензивниот руски ракетен терор врз цивилни цели во Кијив и низ цела Украина.
Во објава на својот профил на социјалните мрежи, Трамп рече дека „нема причина Путин да испукува ракети во цивилни области“, додавајќи: „Ме тера да мислам дека можеби тој [Путин] не сака да ја запре војната, само ме наведува дека мора да се постапува поинаку, преку „банкарство“ или „секундарни санкции?“
Тој претходно рече дека Русија и Украина се „многу блиску до договор“ по разговорите во петокот меѓу неговиот претставник Стив Виткоф и рускиот претседател.
Во меѓувреме, Кремљ во саботата соопшти дека Путин му ја потврдил на Виткоф подготвеноста на Русија да влезе во директни разговори со Украина „без предуслови“.
Средбата на Трамп и Зеленски во Рим беше првпат лидерите да се сретнат лице в лице од нивниот состанок во Белата куќа на крајот на февруари, кога Трамп му рече на Зеленски „немаш карти“ и дека не победува против Русија.
Тој ја повтори таа порака оваа недела, велејќи дека украинскиот лидер „нема карти за играње“. Трамп претходно ја обвини Украина за започнување на војната и го обвини Зеленски повеќе пати дека е пречка за мировните преговори.
Но, Белата куќа зазеде попозитивен тон во врска со состанокот во саботата, додека Зеленски го опиша состанокот како „многу симболичен состанок кој има потенцијал да стане историски, ако постигнеме заеднички резултати“.
Објавени се две фотографии од состанокот, на кои американскиот лидер е во сино одело и украинскиот претседател во црна блуза и панталони, како седат еден спроти друг во интензивен разговор.
Украинскиот министер за надворешни работи, Андриј Сибиха, исто така, објави слика од состанокот на X со наслов: „Не се потребни зборови за да се опише важноста на овој историски состанок. Двајца лидери работат за мир во базиликата Свети Петар“.
🇺🇦🇺🇸🤝
Конструктивно. pic.twitter.com/bE7ZNF013j
— Andriy Yermak (@AndriyYermak) April 26, 2025
