Тимјаник, една година подоцна, пример за хумано општество
Министерката за труд и социјална политика, Мила Царовска, објави видео по повод една година од отворањето на групниот дом во Тимјаник во кој се згрижија деца од Специјалниот завод во Демир Капија.
https://www.facebook.com/carovska.mila/videos/424484371499827/
Со ова кратко видео сакаше да го покаже напредокот и прифаќањето на децата од локалното население, со оглед на протестите што претходеа минатата година. Тогаш жителите на Тимајник во страв и паника како ќе влијае присуството на децата со попреченост на нивните деца, со омраза и бурни реакции се обидоа да го спречат отворањето на домот.
[embedyt] https://www.youtube.com/watch?v=vWz7X0JCKcM[/embedyt]
Заев: На добар пат сме, зголемено учеството на извозот во БДП
Извозот на стоки во 2012 година учествувал во Бруто домашниот производ во Северна Македонија со 30,4%, а во 2018 година е зголемен за 50% и изнесувал 45,5%, според извештајот на Светската трговска организација. Нашата држава е на добар пат!“, напиша премиерот Зоран Заев на Фејсбук.
ЈП Комуналец – Охрид ги раскина договорите со Нефи Усеини
„Охридски комуналец“, јавното претпријатие на општина Охрид, по препорака на ДКСК ги раскина трите договори со контроверзниот советник од ДУИ, Нефи Усеини, на барање на Државната комисија за спречување корупција.
На денешната седница на УО на претпријатието е донесена одлука да бидат раскинати договорите со компанијата НИФИ ИК поради судир на интереси, а станува збор за набавка на градежни материјали, за одржување на депонијата Буково и користење на возило со кран дигалка за сечење на опасни дрва.
Намалување на довербата во ЕУ, 57 % од граѓаните во РСМ се за членство во Унијата
Довербата на граѓаните на Северна Македонија во ЕУ е 57 отсто и бележи намалување од шест отсто во однос на есента минатата година. Сепак, 68 отсто сметаат дека членството во ЕУ би било многу добро за земјата, наспроти 16 проценти кои имаат спротивен став. Дека земјата ќе има корист од зaчленувањето во ЕУ сметаат 72 отсто од граѓаните.
Ова го покажуваат податоците од стандардното истражување на Евробарометар спроведено по европските избори меѓу 7 јуни и 1 јули 2019 година во сите 28 земји членки на ЕУ и петте земји кандидати.
Флеш вести
Извршителите наплатиле околу 127 милиони од должници
За 20 дена се продадени околу 5000 електронски картички и тагови за патарини
Денеска се навршуваат три години од невремето во Скопскиот регион, што предизвика поплави во кои загинаа 22 лица.
Попладнето на 6 август 2016, скопскиот регион беше погоден од обилни врнежи од дожд и силен ветер. Во текот на 24 часа на 6 август 2016 во Скопје наврнаа 92,9 литри на метар квадратен, а во текот на првите два часа од почетокот на невремето имало повеќе од 800 громови.
Д. Т.
