Најавата на Доналд Трамп дека САД би можеле повторно да спроведуваат нуклеарни тестирања предизвика сериозни реакции во меѓународната заедница и загриженост дека може да се отвори нова трка во вооружување.
Трамп побара од Министерството за одбрана да започне тестирања „на рамноправна основа“ со Русија и Кина, тврдејќи дека двете земји веќе спроведуваат вакви експерименти. Последната вистинска нуклеарна експлозија во САД беше во 1992 година, во Русија во 1990, а во Кина во 1996 година, пишува РСЕ.
Со тоа, под прашање се става Договорот за сеопфатна забрана на нуклеарни тестови (CTBT), кој ја стабилизираше глобалната безбедносна рамнотежа речиси три децении. Повлекувањето или прекршувањето на договорот би можело да ја ослаби контролата врз нуклеарните арсенали во светот.
Американски и меѓународни експерти предупредуваат дека враќањето кон вистински експлозивни тестови би имало политички и еколошки последици, но и би го поттикнало натпреварот меѓу големите сили.
Москва негира дека има намера да го прекрши договорот, но признава дека се подготвува за „различни сценарија“.
Контекстот е јасен: САД, Русија и Кина се во нова фаза на нуклеарно натпреварување, со модернизација и зголемување на арсеналите. Можното укинување на забраната би означило крај на ерата на ограничување и би отворило пат за глобална несигурност.
Извор: Радио Слободна Европа
Прочитајте повеќе:
