ВЕСТ НА ДЕНОТ: Жбогар ја презентираше новата методологија за преговарање на земјите-кандидати
Евроамбасадорот Самуел Жбогар ја промовираше новата методологија за преговарање на земјите кандидати што завчера ја објави еврокомесарот за проширување Оливер Вархеји. Жбогар ја оцени методологијата како документ кој обезбедува добар баланс меѓу различните ставови на земјите членки, оние што имаат проблеми со процесот на проширување и оние кои се големи промотори на проширувањето.
Кредибилност, поголемо политичко управување со процесот, предвидливост и динамичност се четирите принципи на кои се базира новата методологија, а со неа земјите-членки ќе имаат поголема улога во оценувањето на напредокот на земјите кои преговараат.
Вклучувањето на секоја земја-членка во проценката на прогресот, според Жбогар нема да го направи преговарањето процес без крај, туку напротив на тој начин земјите-членки ќе бидат ставени во игра доволно рано во преговорите за да нема никакви проблеми подоцна и тие понатаму да ја преиспитуваат одлуката на Европската комисија.
„Целта е да се избегнат одложувањата, во случај земјите-членки да имаат различни гледишта“, рече Жбогар и додаде дека досега процесот меѓу земјите-членки се гледал како сопственост на ЕК.
Преговорите ќе се водат на подинамичен начин преку кластерите (групи на поглавја) кои ќе се отвораат зависно од проценката на напредокот во земјата кандидат, но останува принципот според кој поглавјата поврзани за владеењето на правото и правдата се темел на целиот процес.
Жбогар смета дека институциите во земјава имаат капацитет за новата методологија, но и дека е потребно да се покаже волја за нејзина примена, доколку таа биде усвоена.
„Законот за јавно обвинителство треба да се донесе бидејќи со тоа ќе покажете промена на начинот на мислење, она што е минимумот, потребен да се направи за отворање на преговори во насока на тоа како да ги искористиме максимално преговорите за промена на државата, со цел да спречите младите луѓе да си заминуваат од земјата“, изјави Жбогар.
БЛИЦ: ДКСК има тешка задача
Дехран Муратов: ДКСК донесе одлуки во неколку случаи на судир на интереси, од кои во два татковците имаат главна улога во Советот на Јавни обвинители и Основниот суд во Кичево. Во еден случај, имаме директор без завршено средно образование!
ИЗЈАВА НА ДЕНОТ: Георгиев: Спасовски нема судир на интереси или финансиска поврзаност со бензинската „Пин Петрол“
„Утврдивме дека поранешниот министер нема никаква поврзаност со сопственичката и управувачката структура на бензинската, што на негово барање се постапува и во однос на неговата имотна состојба. Што се однесува на судирот на интереси помеѓу советникот на министерот и еден од сопствениците на бензинската пумпа констатиравме дека целата постапка е спроведена според законот за возила и испочитувани се сите процедури во МВР, а наводите не се потврдени“, истакна Владимир Георгиев член на Комисијата.
ПОЛИТИЧКИ ОК КОРАЛ: Во недостиг на политичка волја, а под силен притисок
Останува отворено прашањето како со опозиција што единствено изразува волја да ја сруши сегашната власт по секоја цена и да си ги одбрани сопствените криминали, може да се очекува градење на демократски систем, доволно силен да ги спроведе потребните реформи.
НЕ ПОМАЛКУ ВАЖНО…
За кои авио билети се „загрижи“ ВМРО-ДПМНЕ?
Загриженоста на ВМРО-ДПМНЕ за тоа дали се потрошиле државни пари за авио билет на Заев, нѐ инспирираше да се потсетиме како се трошеа народните пари на граѓаните додека ВМРО-ДПМНЕ беше на власт. На алатката за отчетност повеќе не се наоѓаат овие податоци, но затоа истите може да се најдат на достапните табели со трошоци на сите функционери во делот на отворени податоци (линк до табелата со сите податоци ТУКА).
Најинтересни се трошоците за авио билети на двајца безресосни министри, Бил Павлески и Џери Наумов, на чии големи достигнувања во полето на странски инвестиции не се сеќава никој. За авио билети потрошиле вртоглави 4.807.175,00 денари и тоа Бил Павлески 2.206.822,00 денари, а Џери Наумов 2 600 353, 00 мкд. Тоа е поради фактот дека овие податоци во време на владеењето на ВМРО-ДПМНЕ не беа јавно достапни, иако се работи за пари на граѓаните.
Мизрахи противуставно во МТСП ја врати старата табла во која отсуствува Северна во името на државата
Техничката министерка, предложена од ВМРО-ДПМНЕ, ја променила таблата со името на министерството и уставното име на државата Република Северна Македонија и поставила стара табла со старото име Република Македонија.
Мобилниот телефон ќе се користи за лична идентификација при склучување договори
Со камерата од мобилните уреди во иднина граѓаните ќе може да вршат нивна лична идентификација и на тој начин нема да мора физички да бидат присутни при склучување договори за платежни картички, кориснички договори со телекомуникациски оператори или при добивање јавни услуги. Алатката ќе се креира во соработка со „Мастеркард“ од каде што тврдат дека системот ќе биде безбеден и оти не може да има злоупотреба на личните податоци.
Со оваа алатка, според министерот за информатичко општество и администрација Дамјан Манчевски, повеќе нема да биде потребно физичко присуство на лицето, туку пенкалото за потпис ќе стане мобилниот уред и неговата камера.
ЦИВИЛНИ АКТИВНОСТИ
ЦИВИЛ со семинар „Граѓански објектив: транпарентност и одгоровност во политичките процеси“
ЦИВИЛ ќе одржи еднодневен регионален семинар „Граѓански објектив: транспарентност и одговорност во политичките процеси“ во Струмица, утре ( 8 февруари) од 10:30 часот до 17 часот во хотелот Есперанто. Семинарите на ЦИВИЛ кои се дел од проектот „Граѓански објектив“, претставуваат можност за граѓанките и граѓаните да се запознаат со основите на човековите права, основите на новинарското известување, граѓанскиот активизам, како и со вештините на мониторингот и граѓанското учество во Струмица.
Рокот за пријавување за долгорочно набљудување истекува утре во 12 часот напладне
ЦИВИЛ ги повикува своите членови, поддржувачи и учесниците на семинарите за граѓанско новинарство, набљудувачите на претходните изборни процеси, како и сите заинтересирани полнолетни граѓанки и граѓани да аплицираат за долгорочни набљудувачи. (ЛИНК ДО АПЛИКАЦИЈА).
Рокот истекува утре, 8 февруари до 12 часот напладне. Избраните долгорочни набљудувачи ќе им се придружат на постојните веќе на 11 февруари, со обуката што ќе ја обезбеди ЦИВИЛ во Скопје.
Предност во процесот на избор за набљудувачи, како и секогаш, имаат членовите и поддржувачите на ЦИВИЛ, поранешни набљудувачи, како и оние што учествувале на семинарите за граѓанско новинарство.
Кандидатите што нема да бидат селектирани за долгорочно набљудување, ќе имаат можност да останат во мрежата на краткорочни набљудувачи.
СЛОБОДНА ЗОНА
„Таман мислиш си го преживеал претходниот ден без да збудалиш, а утредента констатираш дека одамна мора да си побудалел штом прифаќаш нормално да живееш со сите будалаштини околу тебе“, вели Сашо Орданоски во денешната колумна „Поздрав од Санта Моника, Калифорнија“
„Таа партија, вемерето, не само што е наследник на црното минато што како облак е над животот на луѓето до денешен ден, туку истите луѓе, протагонисти на крајно нечовечниот режим, секојдневно шират своите лажни вести и дезинформации и спроведуваат црна, антимакедонска кампања. Истите тие ликови, без трошка срам, се разбира, без да ги вратат украдените милијарди и во постојано бегство од правдата, одеднаш, се „загрижиле“ дека се потрошени државнЈанушев е загрижен за тоа дека Владата трошела многу пари на авио билетии пари за авио билет на Владата на Зоран Заев“, рафално од Џабир Дерала „инспириран“ од Јанушев кој одеднаш е многу загрижен за тоа дека Владата трошела многу пари на авио билети. – Дечко, дај уште еден бизон ваму!
К-15, па ако треба и К-16 поентира Џевдет Хајредини поттикнат од министерот за информатичко општество и администрација Дамјан Манчевски: Господин министер Манчевски, на тие што, исто како Груевски, платата веќе три години без да дојдат на работа им ја праќаш дома, немаш право да не им платиш К-15.
Биљана Јордановска
Во соработка со Дијана Тахири, Дехран Муратов, Ангела Петровска, Сашо Орданоски, Арбен Зеќири, Џевдет Хајредини и Џабир Дерала
