коментира: ДЕХРАН МУРАТОВ
Државната комисијата за спречување корупција постапувала по предметот кој се однесува на изборот на внуката на поранешниот претседател на Советот на Јавни обвинители, Коле Штерјов, Марија Георгијeва, каде утврдиле дека Штерјов гласал воздржано на седницата при изброт на обвинителката. ДКСК побарале да Советот на ЈО да поведе постапка за утврдување на одговорност, при што добиле одговор дека нема никаква одговорност, бидејќи гласал воздржано, и дека доколку се изземал Штерјов немало да има кворум и немало да биде избрана неговата внука Георгиева.
Штерјов гласал воздржано, ама доколку не присуствувал немаше да има кворум и немаше да биде изгласана неговата внука, нели? Со оваа постапка, кого прават будали дека немало судир на интереси?! Но, ете, сепак се искористуваат максимално, сите дупки во законот!
Комисијата посочи и еден случај во Ново Село каде што директор на јавно претпријатие беше поставено лице без соодветно средно образование. Повторувам, директор без средно образование. Треба некој кривично да одговара, а не само да се смени директорот! Толку, коментар не треба повеќе за ова.
Судир на интереси и покренување на иницијатива за одговорност, Комисијата денеска едногласно утврди и во постапката по пријава на физичко лице, дека претседателот на Основен суд во Кичево го вработил својот постар син во судот и дека енормно е збогатен со куќи, возила, дуќан за злато, кафеана, плацови… Претходно бил вработен во Секретаријатот за спроведување на Рамковниот договор и со превземање, заедно со други лица, без јавен оглас, префрлен е во судот. Спогодбата за превземањето на синот, ја потпишал таткото, односно пртеседателот на Судот. Браво, еден е татко!
БЛИЦ е рубрика на ЦИВИЛ МЕДИА во која објавуваме кратки, најчесто редакциски, коментари поврзани со веста на денот во рубриките ДНЕВНИК и ПОЛИТИЧКИ ОКЕЈ КОРАЛ, но и за други актуелни настани во земјата и во светот.
Сите права се задржани. Услови за користење, авторски права и заштита на приватноста.
