Премиерот Зоран Заев со видео порака на својот фејсбук профил, го најавува претстојниот инвестициски циклус од околу пет милијарди евра.
„Една милијарда во патишта, една милијарда во железница, една милијарда во енергетика, нов Клинички центар, инвестиции во земјоделството и руралниот развој, нови пречистителни станици, регионални фабрики за прибирање и обработка на отпад, канализациски и водоводни системи, училишта и градинки… Градиме реални проекти за реални потреби на сите граѓани. Нашата држава е на добар пат“, вели Заев во пораката на Фејсбук.
[embedyt] https://www.youtube.com/watch?v=6WiuaUr2-dE[/embedyt]
Од денеска државјанството во изводите „македонско/граѓанин на Република Северна Македонија“
Графата „државјанство“ во изводите за родени, венчани и умрени од денеска ќе биде пополнета македонско/граѓанин на Република Северна Македонија, велат за МИА од Управа за водење на матични книги.
Во врска со реакциите во јавноста за пополнување на графите во полето државјанство со коси црти (/////), од Управата посочуваат дека тоа било така, бидејќи морало да се спроведе соодветна процедура во електронскиот систем за издавање изводи од родени, венчани и умрени.
– Согласно член 2 став 3 од Уставниот закон за спроведување на амандманите од XXXIII до XXXVI на Уставот на Република Северна Македонија, во графата „државјанство“ во изводите за родени, венчани и умрени, издадени пред и по стапувањето во сила на Конечната спогодба помеѓу Република Северна Македонија и Република Грција, треба да биде впишано македонско/граѓанин на Република Северна Македонија, велат од Управата за водење на матичните книги.
МОН: Судот пресуди во корист на Tаравари оти доставивме нецелосни и нечитливи документи
Управниот суд ја донесе пресудата во корист на Општина Гостивар за одземените ингеренции во образованието поради тоа што од страна на Министерството за образование и наука (МОН) не е доставена целокупната документација во врска со овој случај, како и поради нечитливост на дел од доставените списи, велат од МОН.
Флеш вести
МТСП: Се градат 43 градинки низ државата
Министерството за труд и социјална политика (МТСП) посветено работи на проширување на капацитетите на детските градинки во земјава и на подобрување на квалитетот на предучилишното образование. Во моментот се градат и опремуваат нови осум, а се подготвува изградбата на уште 35 објекти. Тоа се вкупно 43 нови објекти за градинки распоредени низ целата територија на државата, соопшти МТСП.
Распишан тендер за изградба на новиот Клинички центар
Министерство за здравство го распиша тендерот за изградба на новиот Клинички центар на локацијата „Веле Поле“ во општината Ѓорче Петров. Се работи за комплекс објекти што ќе се градат на грин-филд локација, по модел „клуч на рака“.
Оние компании (и домашни и странски), кои ќе учествуваат на тендерот, треба да извршат проектирање, планирање и подготовка на документација, потоа изградба, опремување и управување со информациски систем, медицинска и немедицинска опрема. Исто така, треба да управуваат со трансферот и „преселувањето“ на Клиничкиот центар.
Д. Т.
