Вест на денот: Комисијата едногласно одлучи за разрешување на Јанева
Комисијата за прашања на изборите и именувањето едногласно го донесе заклучокот за разрешувањето на Катица Јанева од првата позиција на СЈО.
Претседателот на комисијата, Илија Димовски, рече дека во седницата која се одржа зад затворени врати немало никаква дискусија, а за одлуката гласале сите членови од сите политички партии.
Претседателот на собраниската Комисија за избори и именувања Илија Димовски, пред седницата на која ќе се разгледува извештајот на Советот на јавни обвинители за разрешување на специјалната јавна обвинителка Катица Јанева, изјави дека не добиле декласификација на материјалот иако тоа го побарале, но одлуката на советот повторно била материјалот да остане класифициран.
Кирацовски: Немам никаква поврзаност со случајот „Рекет“
„Ги споделив сите информации за одредени работи со коишто јас располагам и убеден сум дека од денеска ќе завршат лажните вести, манипулациите и инсинуациите коишто според мене нанесоа штета на самата истрага“, изјави Александар Кирацовски по денешниот распит во Обвинителството за организиран криминал и корупција, а во врска со истрагата за случајот „Рекет“.
Кирацовски исто така истакна дека во обвинителството бил повикан за еден мал сегмент. Тој рече дека немал никаква поврзаност односно не ургирал кај градоначалничката на Битола за соработка со Меѓународниот сојуз околу домот за стари лица.
ФЛЕШ ВЕСТИ:
Костадинов побара изземање на Димовски
Заев: Писмото на Јанева е логична постапка за предметите од СЈО да преминат во ЈО
Зеќири: Жалиме што јавноста не виде што сè има во извештајот за Јанева
Спасовски: „Рекет“ ќе се расчисти докрај и секој што е инволвиран ќе одговара
Ќе се почитуваат препораките на Венецијанската комисија за Законот за јазиците
На 18 септември на „Монструм“ ќе се слушаат „бомбите“ од СЈО
ЦИВИЛни активности
Анкета: Каква иднина очекуваат граѓан(к)ите на Струмица?
ЦИВИЛ разговараше со граѓан(к)ите на Струмица за тоа каква иднина ја очекува државата во однос на екологијата, зелена или црна?
Една граѓанка смета дека иднината на Македонија е зелена, бидејќи сè се обновува.
„Македонија од 1945та навака е пошумувана речиси за 50%, ако не и повеќе, позелена е. Сега имаме високи температури и доста пожари, но се справуваме колку што можеме најдобро со нив, но сметам дека тоа ќе се надмине и Македонија ќе биде уште позелена отколку што беше. Јас секогаш сум оптимист и верувам дека ќе се надмине“, вели еден граѓанин.
А. Петровска