Заев – Палмер: Северна Македонија и САД го делат оптимизмот за успешно заокружување на евроатлантските процеси
Потврда дека Северна Македонија и САД успешно го одржуваат и зајакнуваат воспоставеното стратешко партнерство во интерес на граѓаните на двете земји, како и во остварувањето на заедничките цели за демократски просперитет на регионот и во заедничките акции во борбата против тероризмот и екстремното насилство, е истакната денеска на средбата на премиерот Зоран Заев со заменик-помошникот државен секретар на САД и специјален пратеник за Западен Балкан, Метју Палмер.
На средбата, на која присуствуваше и американската амбасадорка, Кејт Мери Брнз, Заев изрази благодарност за ратификацијата на Протоколот за пристапување на Северна Македонија во НАТО во американскиот Сенат. Заев истакна дека земјата и натаму останува посветена на процесот за интеграција во ЕУ и дека во периодот што претстои ќе продолжат реформските процеси, одржување на атмосферата на релаксирани меѓуетнички односи, како и добрите односи со соседите.
На средбата заеднички беше констатирано дека е непоколеблива определбата на земјата за евроатлантските процеси и дека Северна Македонија и САД го делат оптимизмот дека ќе бидат успешно заокружени.
Поднесен обвинителен акт против 11 лица, меѓу кои и Стевчо Јакимовски
По сеопфатна истражна постапка, надлежен јавен обвинител од Основното јавно обвинителство за гонење на организиран криминал и корупција до Основниот кривичен суд – Скопје, достави обвинителен акт против 11 лица, меѓу кои е и поранешниот градоначалник на Општина Карпош, Стевчо Јакимовски.
Флеш вести
Патник од автобусот на „Дурмо турс“: Возачот неколку пати зборуваше на телефон
„Автобусот по тргнувањето од Скопје неколку пати запираше да земе патници, но по наплатната рампа кај село Глумово нагло сврте кон лево и без никакви знаци на кочење удри и ги проби заштитните огради без да го промени правецот. Возачот неколку пати разговарал на телефон, но правилно го држеше воланот цело време додека автобусот ги пробива заштитните огради“, изјави еден од повредените патници, на денешното судење за автобуската несреќа кај Ласкарци во која загинаа 16, а 37 лица беа потешко повредени.
Млади правници со тужба пред граѓанскиот суд во Скопје за утврдување повреда на правото за здрава животна средина
Македонското здружение на млади правници соопшти дека во месец јули 2019 година поради континуираното аерозагадување, поднесе тужба пред Граѓанскиот суд во Скопје против Владата на РСМ, Министерството за животна средина и Град Скопје за утврдување на повреда на правото на здрава животна средина, правото на здравје, право на приватност на личен и семеен живот и неповредливоста на домот и преземање на мерки.
Лажни вести
Разоткриена уште една манипулација, дезинформација и лага на дел од медиумите кои ја пренесоа лажната вест на лидерот на политичката партија Левица, Димитар Апасиев, дека наводно шефицата на европската дипломатија, Федерика Могерини, ладнокрвно го одминува премиерот на Република Северна Македонија, Зоран Заев.
Мисла
Од корнер: Зоран Иванов
Предизборни дијалози
Доминантната премиса е дека на луѓето не им се излегува на гласање. Помалку или повеќе од разочараност, малку од апатичност, малку од резигнираност. Малку и од инает, од оној наш домашен урбан, маалски. Мнозинството бараат промени во изборното законодавство, алтернативи за партиските монополи. Можност за персонален избор на партиски интегритети на сметка на колективиот, на партиски војници.
Други акцентот го ставаат на нужноста самите партиите да согледаат со кави очи јавноста гледа во нив. Да ја видат сѐ поголемата одбивност спрема партиските структури, особено поради привилегиите што ги нудат мандатите и уште повеќе поради злоупотребите што ги овозможуваат функциите. Барањата се тие да се модернизираат, да се демократизираат, да се европеизираат, раководствата дневно да се отвортат за своето членство и за граѓански критички реакции.
Дијана Тахири, во соработка со Биљана Јордановска, Дехран Муратов и Зоран Иванов
