Ако корона вирусот не распознава партиска, религиска, социјална и економска разлика кога напаѓа одреден имунолошки систем, вирусот на омразата присутен кај вмровските партиски ботови не само што се шири еднакво пропорционално со ширењето на пандемијата на КОВИД-19, туку има и одредена целна група.
Во продолжение следува мала вивисекција на однесувањето на просечен демохристијанин, вмровец, член на комитетот во Ѓорче Петров во деновите на строгиот велигденски пост.
Градоначалникот на Куманово, Максим Димитриевски, вчера и се обрати на јавноста откако дозна дека е позитивен на новиот корона вирус.
https://www.facebook.com/MaksimDimitrievskiOfficial/posts/1866700636793701
Реакцијата на просечниот вмровец е следна: „Обиџуко, мапирурде, бутер першенге, јеке јеке… егоменгоро… маска јок, а? Максо набутинавле цел… окоркоро…“, алудирајќи и радувајќи се на можноста градоначалникот да заразил неколку претставници од државниот врв. Онака по сите христијански начела и традиции…
Но омразата не е насочена исклучиво кон партиските опоненти, туку и кон една цела етничка заедница, служејќи се со јазикот на таа заедница, прилагоден и употребен за потсмев.
Потоа следува: „Максо брату, изгушка ли га Оливера вчера?“, прашање од чиј одговор веројтано зависи понатамошното празнично расположение на авторот.
Но, овој партиски бот не е единствен во своето делување, а дека ништо друго не е важно, освен партиската агенда покажува и една битолчанка, која себе си се опишува како лојален и посветен член на ВМРО-ДПМНЕ.
Дотолку лојален што на целата мака и криза во државата единствено што и е важно е да имаат мнозинство во Владата.
Она што останува нејасно е дали навистина овие ботови не се свесни во каква состојба се наоѓа државата во моментов, која патем ја води техничка Влада, во која се и членови од нивната партија, кои исто како и градоначалникот Димитриевски, секојдневно се изложени на опасноста од тоа да бидат заразени од КОВИД-19.
Но, кога си верник, веројатно е многу полесно да шириш говор на омраза и потоа да го повикаш Бог напомош. За што сведочат фотографиите во продолжение.
На страна партиските и верските определби на секој еден од овие ликови, ваквото ширење на говор на омраза и повици на дела од омраза мора да престане! Во посебно обраќање до јавноста, ЦИВИЛ ги повикува институциите да реагираат на говорот на омразата, соодветно на законите, а јавноста да го осуди ваквото однесување.
Заеднички коментар на ЦИВИЛите
