Во седиштето на Движењето Беса во Тетово се одржа координативна средба на кандидатите за пратеници на заедничката предизборна коалиција со СДСМ за изборната единица 6. Лидерот на Беса, Биљал Касами истакна дека поради пандемијата и препораките на СЗО состојбата со Ковид-19 ќе потрае, потребно е продолжување на изборниот процес кој беше прекинат во март со политички консензус.
-Имајќи предвид дека нашите здравствени институции се подготвени за справување со болеста, верувам дека е подигнато нивото на свест да се справивме со болеста. Секако имаше и своја цена во човечки животи, но има и економска цена која ќе се покаже во иднина. Цениме дека сме во друга критична фаза и дека мислам дека е дојдено време да се продолжи изборниот процес во рамки на уставните можности, рече Касами.
Тој истака дека ја поздрава одлуката за да се продолжи за две седмици вонредната состојба.
-Имајќи предвид дека техничката Влада за организација на изборите го нема целосниот мандат да се справи со кризата, граѓаните го немаат единстевнениот механизам да ги контролираат Владата и Собранието. Ние оценуваме дека што поскоро треба да има избори за граѓаните да имаат свои претставници во Собранието и да ја контролираат Владата. Мора да има политичка Влада поради фактот што министерот за внатрешни работи од ВМРО-ДПМНЕ нема политичка одговорност. Ако имавме политичка Влада полесно ќе се справевме со здравствените и економски последици од кризата, рече Касами.
Фаница Николовска од СДСМ која е втора на кандидатската листа рече дека по завршување на вонредната состојба ништо не може да го заштити здравјето на граѓаните од целосно функционални институции, како ново Собрание и Влада.
-Институции со полн легитимитет ослободени од политички кочници и калкулации на ВМРО-ДПМНЕ. Зголемиот број на болни се должи на саботажите и крајно неодговорно однесување Чулев и менторот Мицкоски. Наќе Чулев наместо да се грижи за здравјето на граѓаните не презема соодветни мерки и со тоа го загрозува здравјето и го саботира системот. 22 после вонредна состојба е 5 јули и тогаш треба да се одржаат избори. Друг правен механизам нема, рече Николовска.
Таа посочи дека сите барања за друг термин се несериозно.
-Не смееме да го загрозиме правото на граѓаните на избор, ниту правото на летен годишен одмор. Избори на есен се опасна идеја и за здравството и за економијата. Државата не може да продолжи да функционира со техничка Влада и без парламент. Секој кој сака да ги одложи изборите сака да ја продолжи кризата и не им посакува добро на граѓаните, рече Николовска.
На новинарско прашање што ако продолжи зголемување на бројот на заболени во Тетово, за каде сегашниот министер за здравство не предвидел нови мерки, одговорот на Касами беше дека одговроноста е во политичките лидери.
– Во ситуацијата во која се наоѓаме не можеме да бидеме или останеме заложници на определени политички партии или хирови на определени политички лидери. Што се однесува до управувањето со здравстените институции, знаеме дека актуелниот директорот на болницата во Тетово е член на ДУИ и втор на листата за во Собрание. Ова е мотив плус, аргумент плус да бараме избори на 5 јули и таквите неспособни кадри еднаш за секогаш да одат во опозиција и во историјата. Не можеме да очекуваме министерот да дојде и да ги разреши проблемите и предизвиците кои се случуваат во Клиничката болница во Тетово. Ова може да го разрешат граѓаните со изборите, рече Касами.