• Latest

Список на фирми кои земале државни пари, а не им исплатиле на работниците, јавноста бара санкции за истите

July 31, 2020
Еврокомесарката за проширување Марта Кос (photo: EC - Audiovisual Service)

Скандал: Српска националистичка песна на ЕУ форумот за проширување – што се случи?

November 17, 2026
Роботика во практична демонстрација: Прецизно ракување со предмети. (Извор: Google / Gemini, screenshot)

Вештачката интелигенција и роботиката: Светот отвора нови технолошки хоризонти

November 17, 2026

Црно Море: Потона товарен брод во бугарската економска зона, сомнежи за напад со морски дронови

November 17, 2026
Кијив, 17 ноември 2026 (ДСНС)

Руски ракетен напад врз два моста во Кијив – Украина бара прекин на огнот во Црното Море

November 17, 2026

Прва трилатерална средба на Џинпинг, Трамп и Путин во Шенжен

November 17, 2026

Прашање на денот: Насилството врз жените не смее да остане само вест! Што мора да се преземе?

November 17, 2026
Парламент на Србија (wikipedia)

Почнува смената на власта во Србија: Конститутивна седница на Народното собрание

November 17, 2026

ЕУ со нови санкции против руски банки, енергетски компании и мрежите за дезинформации

November 17, 2026

Мислете му ја!

November 17, 2026
фото извор: Алта банка

АЛТА БАНКА: Кредити од 1,6 милиони евра и можен судир на интереси

November 16, 2026
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home ОПШТЕСТВО

Список на фирми кои земале државни пари, а не им исплатиле на работниците, јавноста бара санкции за истите

July 31, 2020 11:31
in ВЕСТИ, ЕКОНОМИЈА & БИЗНИС, ОПШТЕСТВО
Share on FacebookShare on Twitter

Владата вчера објави список од компании кои земале финансиска поддршка од државата за исплата на плата на вработените за време на корона-кризата, но не им ја исплатиле на работниците.

Од Канцеларијата на портпаролот на Владата, посочија дека се координираат со Генералниот секретаријат во врска со оваа активност.

Вицепремиерката за економски прашања Мила Царовска денеска потврди дека ќе има санкции за компаниите кои добија државна помош, а не им ја дадоа на работниците.

Според Царовска, моментно се испитуваат сите правни можности.

„Платите итно треба итно да се исплатат на работниците, треба да се покаже одговорност од страна на компаниите. Направен е голем пропуст и секако санкционирање на компаниите ќе се случи. Во моментов, Генералниот секретаријат ги испитува сите правни можности, се покренуваат сите елементи кои се можни“, истакна Царовска, одговорајќи на новинарски прашања по посетата на компанијата „Витек“ во ТИРЗ Скопје 1.

Бранимир Јовановиќ за ЦИВИЛ Медиа изјави дека треба да има најстрога можна казна за сите газди на фирми кои профитираат врз грбот на работниците и на најслабите.

Јовановиќ вели дека покрај тоа што работодавачите ќе мора да ги вратат парите на државата, тие мора да добијат и кривична одговорност.

Тој додава дека државата мора да покаже строгост и да ги казни фирмите и со тоа да упати порака дека секој ќе биде казнет ако погреши.

Јовановиќ додава дека државата треба во иднина директно да им префрли пари на граѓаните, нешто како што направија со платежните картички, но наместо картички да им префрлат пари, а не преку фирмите во кои работат како што беше до сега.

Дарко Димовски, претседател на ССМ истакна дека сметаат дека таквото однесување на работодавачите е недозволиво, неправедно, незаконско и нехумано.

„Сметаме дека треба кривично да се одговара и некој да заврши зад решетките. Од УЈП беа коректни и одговорија најбргу што можат на нашите апели. Ги пронајдоа компаниите и според законот заедно со Државниот трудов инспекторат ќе ги казнат со глоба за да ги дадат парите што ги должат. Но, тоа не е доволно и мора кривично да се одговора“, побара Димовски.

Под притисок на јавноста и реакциите на граѓанските организации, дел од фирмите побрзале да ги исплатат заостанатите плати, кои им беа ветени на работниците.

ЦИВИЛ најостро ги осуди противзаконските и нехумани постапки на работодавачите кои примиле финансиска помош од државата и – наместо да им дадат плати на своите вработени – тие ги задржале парите за себе. Според ЦИВИЛ, тоа е незамисливо срамно и крајно неприфатливо однесување кое мора веднаш да биде санкционирано.

„Финансиската поддршка од државата била за справување со кризата предизвикана од Ковид-19, односно да се зачуваат работните места на работниците, а не работодавачите незаконски да профитираат врз грбот на работниците за време на најголемата здравствена, социјална и економска криза со која се соочува не само нашата земја, туку и целиот свет. Овој случај не смее да заврши во корист на моќниците, а на сметка на работниците кои, во голем број случаи, едвај врзуваат крај со крај. Државата не смее да биде милостива кон газдите. Напротив, треба да покаже строгост и праведност, најостро да ги санкционира сите кои мислеа дека ќе успеат да „го измамат системот“, стои во соопштението на ЦИВИЛ.

Оваа постапка на работодавачите ја осуди и ССНМ заедно со неколку граѓански организации.

„Силно ги осудуваме сите работодавачи кои примиле финансиска поддршка од државата, а не ја исполниле обврската за исплата на плати на своите вработени . Целта на државната финансиска поддршка утврдена со владината уредба за справување со кризата предизвикана од КОВИД-19 беше да се зачуваат работните места на работниците, а не работодавачите незаконски да профитираат на грбот на работниците за време најголемата здравствена, социјална и финансиска криза со која се соочуваме“, стои во нивното соопштение.

На прес-конференција на Управата за јавни приходи беше објавено дека вкупно 281 работодавач кои примиле финансиска поддршка за месец април годинава во износ од 9.995.565 денари, не ја исполниле обврската за исплата на плата за 722 вработени, односно за месец мај вкупно 427 компании воопшто не исплатиле плата за 984 вработени, а добиле финансиска поддршка во износ од 13.698.998 денари.

Директорката на УЈП Сања Лукаревска истакна дека на работодавачите кои користеле финансиска поддршка, а не извршиле исплата на плата им доставени опомени и како што најави доколку не извршат исплата во определениот рок, ќе следи спроведување на постапка на присилна наплата на платата. Дополнително, додаде, Законот за придонеси од задолжително социјално осигурување во ваков случај предвидува изрекување на глоба за сторен прекршок, а работодавачот ќе биде задолжен да ги врати добиените финансиски средства во целост, заедно со камата, во спроведена постапка на УЈП во соработка со Државниот инспекторат за труд.

А. П. 

ShareTweetSend
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДИСКУРС
  • ФОРУМ
  • ГРАЃАНСКА
  • МАРКЕТИНГ
  • ИМПРЕСУМ