• Latest

Кризна состојба поради сериозност со заразата, на располагање ќе бидат приватните болници и Армијата

November 20, 2020
Кијив, 19 ноември 2026 (ДСНС)

Кијив под целодневен руски терор: Загинати цивили и оштетени амбасади – Кримскиот мост повторно погоден

November 19, 2026
Фотографија: Колаж/АП

Пораките на триото Си – Трамп – Путин од Шенжен

November 19, 2026
Јана Коцевска (фото: ИМА)

Јана Коцевска: Родовото насилство е нормализирано, институциите не обезбедуваат вистинска заштита

November 19, 2026

Тврдењето на Сиљановска-Давкова падна при основна проверка на фактите: Уставниот „рекорд“ не постои

November 19, 2026
Орце Ѓорѓиевски, градоначалник на Скопје (Wikipedia)

Скопје меѓу „шампон“ и ѓубре: Што велат 247 коментари за првата година на Орце Ѓорѓиевски?

November 19, 2026

Европска комисија предлага нови 45 милијарди евра за Украина во 2027 година

November 19, 2026

Правилното чување на тутунот е важно за зачувување на квалитетот пред откупот

November 19, 2026
Поморскиот сообраќај во Црното Море се соочува со зголемени безбедносни ризици. (Фото: Mosbatho / Wikimedia Commons, CC BY 4.0)

Два поморски инцидента за два дена во Црното Море, спасени 31 морнар

November 18, 2026
Гордана Сиљановска-Давкова гласа за вториот круг на претседателските избори во 2024. Фото: Toshe Ognjanov (VOA). Извор: Wikipedia

Сиљановска-Давкова и „рекордот“ во бројот на уставни измени: Тврдењето падна на проверката на фактите – статистиката во служба на националистичката реторика

November 18, 2026
Анти-владини протести, Братислава, 17 ноември 2026 (Фото: Скриншот од видео на APT News)

Словачка: Илјадници демонстранти протестираа против владата на Роберт Фицо

November 18, 2026
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home ВЕСТИ

Кризна состојба поради сериозност со заразата, на располагање ќе бидат приватните болници и Армијата

November 20, 2020 09:29
in ВЕСТИ, КОВИД-19
Share on FacebookShare on Twitter

На предлог на Советот за безбедност кој вчера беше прифатен од Претседателот на државата, се очекува Владата денеска да прогласи кризна состојба на територијата на целата земја во траење од 30 дена поради исклучително сериозната состојба со КОВИД-19. Тоа ќе овозможи подобро менаџирање на сите капацитети и човечки ресурси, на располагање покрај јавните, ќе бидат и приватните болници со кои ќе управува државата, а во справувањето со епидемијата ќе помага и Армијата.

Премиерот Зоран Заев по состанокот на Советот за безбедност вчера рече дека Управувачкиот комитет во најбрз рок ќе предложи до Владата прогласување кризна состојба и тоа ќе биде најдоцна до вечер денеска. На владина седница синоќа почна постапката откако согласно со Законот за управување со кризи беа донесени решенија и  во Управувачкиот комитет и Групата за процена беа назначени в.д. директорите на Центарот за управување со кризи и на Дирекцијата за заштита и спасување, Стојанче Ангелов и Беким Максути.– Со решенијата се овозможува да отпочне постапката за прогласување кризна состојба на целата територија на државата според мислење на Групата за процена, по што ќе следува предлог на Управувачкиот комитет за координација и управување во системот за управување со кризи до Владата, по што таа ќе ја донесе одлуката за прогласување кризна состојба, беше соопштено од Владата по завршувањето на седницата.

Шефот на државата Стево Пендаровски на прес-конференцијата по состанокот на Советот за безбедност истакна дека состојбата со КОВИД-19 е исклучително сериозна, далеку полоша, рече, од пролетниот бран по бројот на заразени и починати. Во кризна состојба на располагање на државата ќе бидат капацитетите на приватните болници и нивниот кадар, но не станува збор за нивна национализација, туку за управување со нив во битката со пандемијата, како што рече претседателот – таму и во тој обем во кој Владата ќе процени дека е тоа неопходно.

Откако ќе биде прогласена кризна состојба, појасни претседателот Пендаровски, Законот за одбрана и Законот за управување со кризи даваат многу пошироки можности надлежните институции, пред сè здравствените,  да добијат поддршка од Армијата.

Кризната состојба нема да значи ограничено движење односно полициски час, но ќе продолжат да важат препораките да не се излегува без потреба по 21 часот и да нема групирања, да се почитуваат сите мерки, особено мерките за лична заштита.

Во болниците и натаму има наплив од пациенти – два ката од зградата на Интерните клиники се речиси исполнети, се подготвува уште еден кат – на одделенијата на Клиниката за уво, нос, грло и на Клиниката за очни болести, каде што од денеска ќе се примаат КОВИД-пациенти.

Министерот Венко Филипче по состанокот на Советот за безбедност рече дека нè чека критичен период во кој ќе има потреба од болнички капацитети. Спремни се да ангажирааат и дел од хируршките клиники и дека се прави севкупен план кој ќе ги вклучи сите ресурси.  Во ГОБ „8 Септември“ се веќе пополнети првично планираните 80-90 кревети и во следниот период, посочи тој, можно е поради огромен притисок таму да запре системот „МојТермин“ и да се сместат повеќе пациенти.

– На располагање ќе бидат и капацитетите на сите приватни болници и клиники, како и кадарот кој таму работи. За кратко време ќе направиме проценка со сè што се располага и во таа смисла заеднички со нашите државни капацитети ќе направиме и план за работа, рече Филипче.

Во врска со плаќање на лекувањето во приватните болници, според сегашното законодавство државата може да покрие најмногу до 30 отсто од трошоците. Кој и како ќе ги покрива останатите трошоци Филипче соопшти дека дополнително ќе се прецизира. Рече дека се работи за досега непозната ситуација и ќе бидат направени анализи и ќе се консултираат со  правните тимови.

Во текот на вчерашниот ден Министерството за здравство соопшти дека вкупно 1258 пациенти позитивни и сомнителни на коронавирусот се лекуваат на инфективните оддели во главниот град и во болниците низ земјава и дека има околку 60 слободни болнички кревети во КОВИД-центрите, напомнувајќи дека ситуацијата се менува од час во час.

Во 24-часовната статистика за вчера беа регистрирани 1198 новозаразени од 3081 тестирање. Речиси половината од нив (572) се во Скопје, а висок број нови случаи имаа и Битола (92), Прилеп (53), Штип (49), Велес и Охрид по 42, Куманово (41),  Струга и Струмица по 34, Кичево (33), Тетово (28), Свети Николе (20).

Починаа уште 26 луѓе, од кои осуммина од Скопје. Меѓу починатите вчера беа двајца 35-годишници – од Битола и од Охрид и 37-годишен пациент од Струга. Од почетокот на епидемијата во земјава, пред речиси девет месеци, вкупниот број заразени достигна 51 213, оздравени се 30 204, починати 1423. Активни случаи има 19 586, од кои 9479 се во главниот град.

ShareTweetSend
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДИСКУРС
  • ФОРУМ
  • ГРАЃАНСКА
  • МАРКЕТИНГ
  • ИМПРЕСУМ