ВЕСТ НА ДЕНОТ: ДКСК: Поголем дел од претседателите на основните судови не поднеле анкетни листови
Антикорупциската комисија на денешната седница разгледа 18 предмети за претседатели на основи судови и по извршената проверка за следење на имотната состојба и судир на интереси согласно годишната програма за работа, утврди дека голем дел од нив не ја почитуваат обврската за поднесување анкетни листови, а за двајца судии постапката е продолжена поради прибирање дополнителни информации.
-Добар број претседатели на судови не постапиле и не ја извршиле својата обврска за поднесување на анкетен лист во определениот законски рок. Листата на претседателоте кои не ја исполниле својата обврска и за кои ќе издадеме платни налози да се достави до Судскиот совет со информација поединчено за судиите за што станува збор. Оваа информација Судскиот совет треба да ја има и да ја користи во следњето на работата на судиите, рече на седницата која се одржува преку видео-конференциска врска Софка Пејовска Дојчиновска заменик претседател на Антикорупциската комисија.
ИЗЈАВА НА ДЕНОТ: Шиковска: Заслужуваме еднакво општество за сите
ЦИВИЛНИ АКТИВНОСТИ
Бучковски: Заев се бори за нашата европска иднина во духот на европските вредности
Интервју за ЦИВИЛ МЕДИА со универзитетскиот професор Владо Бучковски. Тој е поранешен премиер и два пати беше министер за одбрана, а своевремено беше и претседател на СДСМ. Македонија доби кандидатски статус за членство во ЕУ во 2005 година за време на неговиот мандат како премиер. Тоа е неговиот клучен успех во политичката кариера.
ФЛЕШ ВЕСТИ
Министерот за здравство Венко Филипче на денешната прес конференција изјави дека во земјите во регионот е забележително дека бројот на нови случаи од КОВИД-19 останува на високо ниво и дека многу благо се намалува, а бројот на смртни случаи останува висок на дневно ниво.
Филипче оцени дека полициски час по 21 часот нема ништо да промени бидејќи тогаш е прилично празно. Не работат угостителските објекти и забрането е групирање на јавни простори.
Не мислам дека главни осмислувачи и организатори на настаните во Собранието од 27 април 2017 година се Миле Јанакиески, Спиро Ристовски, Трајко Вељановски и другите тука. Според мои сознанија овие луѓе се изманипулирани од главниот организатор Никола Груевски. Ова го изјави денеска премиерот Зоран Заев, одговарајќи како сведок на прашање од Судот во однос на конститутивната седница во Собранието од 27 април 2017 година.
Министерот за надворешни работи Бујар Османи, денеска ја претставуваше Република Северна Македонија на 42-риот состанок на Советот на министрите на Организацијата за црноморска економска соработка, што претставува наше учество првпат на овој форум, откако земјата пред само неколку дена стана полноправна членка на оваа организација.
Министерот за внатрешни работи Оливер Спасовски истакна дека прогласувањето на кризната состојба не значи дека граѓаните ќе гледаат зголемен број полицајци или војници по улиците заради спроведување на мерките, туку можност сите ресурси во државата да се искористат максимално во координација на сите надлежни органии и институции.
Од разговорот со инспекторите бев информиран дека драстично е зголемен бројот на издадени решенија за изолација на лица заразени со Ковид 19 и лица кои биле во контакт со заболени. Тоа е показател дека влегуваме во можеби најкритичниот период од пандемијата, истакна денеска вицепремиерот за борба против корупција Љупчо Николовски, по средбата со инспекторите од Државниот санитарен и здравствен инспекторат.
СЛОБОДНА ЗОНА
„Се чини дека шансите на Заев политички да го преживее своето, веќе прочуено, недоквакано интервју за БГНЕС нагло пораснаа, откако на теренот на домашната политичка сцена истрча најдобрата петорка во дресот на неговите доживотно огорчени непријатели. Во центарот на овој ол-стар тим е жизнерадосно разрипаниот Мицкоски, кому среќата неочекувано му се насмева во критичен момент за неговата проблематизирана политичка кариера. На крилните позиции за пробиви и крадење топки (а и мрежички од обрачите) се прославените сениори, аболиционистот Иванов и свежо смрзнатиот Црвенковски. Во улога на плејмејкер им е тешко подвижниот и позајмен од бугарската лига Каракачанов“, пишува Сашо Орданоски во колумната „Кошмарен дрим-тим против Заев!“
„Дајте да бидеме реални. Какво фајде има нашата земја од „откровението“ на Бранко Црвенковски? „Папата“ во „стратешки“ момент решава да „проговори“ излегувајќи од длабоката сенка на својата баснословна претседателска пензија (иста како онаа на Ѓорѓе Иванов) и… Ништо. Сепак, изгледа дека сдсмовската „икона“ изгубила од својот сјај. И неговите најблиски му отсвирија аут, а неговиот повик СДСМ да се огради од изјавите на Заев за БГНЕС, неговата партија громогласно го отфикари по кратка постапка“, пишува Џабир Дерала во колумната „До вчера со каракачановци, денес најгласни Македонци“.
Не му дадоа збор на заедничкиот дебакл-протест, a Димче не пцуе и не ги стрела МВРО-ВМРО?
пишува: ПЕТРИТ САРАЧИНИ
А. П.