Министерот за здравство Венко Филипче на денешната прес конференција изјави дека во земјите во регионот е забележително дека бројот на нови случаи од КОВИД-19 останува на високо ниво и дека многу благо се намалува, а бројот на смртни случаи останува висок на дневно ниво.
„Сите земји се соочуваат со истиот предизвик, а тоа е практично менаџирањето на болничките капацитети, недостаток на болнички кревети и медицински персонал. Во Србија неколку дена по ред се бележат рекордни бројки, вчера имаа нови 7606 случаи, починале 51 пациент, во Хрватска 4009 новодијагностицирани, починати 51 пациент, во Словенија. која што е слична на нас по бројот на жители. во изминатите 24 часа има 1767 нови случаи, а починале 46 пациенти и бројот на хоспитализации е сличен како кај нас, накаде околу 1300 пациенти кои што се 215 во одделенијата за интезивна нега. Бугарскиот здравствен систем е практично совладан, од наглиот пораст на бројот на пациенти поради недостиг на медицински персонал, зголемен број на инфекции помеѓу лекарите и медицинските сестри , таму има 4300 случаи и повеќе од 6000 луѓе во болниците“, истакна министерот.
Филипче истакна дека согласно анализата на Институтот за јавно здравје, во текот на епидемијата од почетокот на ноември, процентот на позитивни од тестирани генерално се движи од 36 и 41%.
„Највисок процент на позитивни од тестирани 41,2% регистриран на 17 ноември, кога се регистрирани и најголем број на нови случаи 1407 и после тоа бројот на нови случаи попстепено и благо опаѓа. Во однос на бројот на нови позитивни случаи по недели, три недели во континуитет евидентираме прилично еднаква бројка, односно 7482, 7367 и 7393. Бројот на нови случаи успорува, практично сме на ниво на едно плато после период од две до четири недели на нагол пораст на бројот на новозаразени, што е доказ дека преносливоста е намалена, практично 1%“, изјави Филипче.
За жал евидентен е порастот на смртни случаи, вели Филипле, и на глобално ниво и кај нас по недели, од почетокот на месецот 111, 149 182 и 206.
„Она што охрабрува е дека расте бројот на оздравени во изминатиот период, евидентираме високи бројки од домашно легување, зголемен за 45%, продолжува и во текот на оваа година. Просек на хоспитализирани пациенти во изминатите две недели е околу 1280 пациенти, а процентот на хоспитализирани од вкупниот број на случаи е 6,7%, многу блиску до 7%“, изјави Филипче.
Во однос на болничките капацитети, министерот истакна дека во внатрешноста има близу 100 легла во сите оддленија во трите клинички болници Битола, Тетово и Штип, во останатите општи болници во државата.
„Во Скопје интезивно работевме во изминатиот период на почетокот на месецот во проширување на капацитетот на интерните клиники, и тука се обезбедени близу 200 кревети за болни од ковид, последна клиника која е целосно опремена и ставена во функција е клиниката за оториноларингологија, таму практично нема сместени пациенти, но, е место каде во кој било момент може да се хоспитализираат пациентите. На Инфективната клиника близу 160 пациенти, заедно до модуларната болница до „8 Септември, близу 110 во болницата во Козле 40 кревети и тоа што треба да биде дополнителен капацитет од приватните болници 100 кревети некаде на почекот на следната недела“, изјави Филипче.
