Љатифа Шиковска, пратеничка во Собранието на Република Северна Македонија, на Денот на граѓанските организации, во организација на Цивика Мобилитас, за ЦИВИЛ Медиа изјави дека сите сме еднакви и сите заслужуваме еднакво општество.
На прашањето колку и дали е возможно да се обединат различностите во нашето општество, кое е дел од иницијативата на ЦИВИЛ „Обединети во различноста“, Шиковска додаде дека и институциите и граѓанските организации заеднички треба да се борат за правично и еднакво општество.
„Ние години наназад и граѓанските организации, работиме во однос на соработка, толеранција, хуманост меѓу различностите, затоа што тоа нѐ прави многу поквалитетни, затоа што сите ние сме исти без разлика на која етничка група припаѓаме. Сите ние, особено надлежните институции, власта, политичарите, треба што побрзо да го сфатат ова, затоа што само заедно можеме да постигнеме повеќе резултати, подобар живот за сите. Пред сѐ треба да имаме почитување едни кон други во однос на различностите… Сите сме исти, сите сме еднакви и сите заслужуваме еднакво општество“, изјави Шиковска.
Камера: Дехран Муратов
Монтажа Б. Јордановска
Оваа содржина е дел од Иницијативата „Обединети во различноста“ посветена на промовирање на различностите како предност, богатство и квалитет на нашето општество. Иницијативата ја води ЦИВИЛ, со поддршка од Министерството за надворешни и европски прашања на Големото Војводство Луксембург.
Наодите, мислењата и другите онлајн содржини објавени од страна на ЦИВИЛ, односно Редакцијата ЦИВИЛ Медиа, не мора да значи дека ги одразуваат оние на донаторите или спонзорите на ЦИВИЛ и на медиумската платформа на организацијата.