Османи: „Преспа форум за дијалог“ е проект за европеизација и дебалканизација на регионот
„Во ова политички динамично време на алтернативни сценарија на Балканот кои од различни страни пристигнуваат преку различни форми на пејпери и нон-пејпери, сметам дека сездадовме автентична, наша платформа која испраќа силен и прецизен одговор за тоа каде му е местото на регионот и како до таму. „Преспа форум за дијалог“ е токму тоа“, истакна министерот за надворешни работи, Бујар Османи на панелот „Патот до Преспа форум за дијалог“ во организација на МНР како воведен настан за претстојниот Преспа Форум дијалог кој ќе се одржи на 1 и 2 јули 2021 година.
„Преспа, форум, дијалог“ се наоѓа суштината на трите наши договори од која Северна Македонија се препознава како уникатен пример во поширокиот регион. Тоа се Охридскиот рамковен договор, Договорот за пријателство со Бугарија и Договорот за стратешко партнерство со Грција познат како Преспански договор. Трите договори претставуваат силен внатрешен и меѓународен легитимитет и се широко прифатени и дома и меѓу нашите меѓународни пријатели. Во нив се препознаваат силни политички принципи и вредности кои имаат универзално значење. Пред се храбрите политички чекори во изградба на долгорочни и стабилни компромиси. Суштинска примена на инклузивноста во надминување на разликите помеѓу различните групи, меѓусебно почитување, политичко и дипломатско трпение и пред се позитивниот пристап во изградба на пријателства помеѓу соседите во најширока смисла на зборот.
Заев: Мнозинскиот модел што го бара опозицијата е уназадување
„Далеку од изборите без притисок на парламентарни избори се разговара за неколку нови модели. Ние поддржуваме една изборна единица. Како мултиетничко општество сме убедени дека треба да дадеме шанса на една изборна единица што ќе значи диверзификација или поголема разноликост на Парламентот, ќе ја скроти или ќе ја ограничи моќта на шефовите на поголемите политички партии и ќе ја унапреди демократијата во државата, а ќе гарантира поголема застапеност и на помалку бројните етнички заедници, но и на помалите партии. Опозицијата, од генерално последното што го слушнав, бара мнозински модел. Тоа е уназадување според нас. Но, нека разговараат тимовите, па ќе ги слушнеме сите аргументи“, истакна премиерот Заев.
Радев: Бугарија сака што поскоро да ја види Северна Македонија на европскиот пат
Претседателот на Италија, Серџо Матарела е целосно солидарен со нашиот став за пристапување на Република Северна Македонија и Албанија во Европската Унија, изјави шефот на бугарската држава Румен Радев по средбата во Рим со неговиот италијански колега.
„Сите сакаме да ги видиме овие земји на нивниот европски пат што е можно поскоро. Јас многу јасно ја објаснив бугарската позиција дека ќе напредуваме кога самите земји ќе покажат јасно и неповратно дека ги исполнуваат критериумите“, рече Радев.
Царовска: Квалитетното образование е инклузивно, новата концепција тоа го обезбедува
„Ние веруваме дека новата Концепција за основното образование се потпира на инклузивноста како еден од главните столбови и дека токму затоа во делот на инфраструктурата интензивно вложуваме за да може да ги постигнеме заеднички целите, а тоа се квалитетно и достапно образование за секој ученик, за секој оној којшто влегува во процесот на образование да може да ги постигне максималните потенцијали кои што ги поседува“, напомена Царовска.
Д.М
