„Ќе се осврнам на сегментот, кога новинарите се предмет на кампања и пропаганда. Постојат многу примери во контекст на црната пропаганда кон новинари, ќе наведам неколку. Непримерната комуникација на една приватна клиника, со редакцијата и новинарите од ИРЛ, по повод една нивна сторија. Приватната клиника испратила реакција до редакцијата на ИРЛ, клеветејќи ги новинарите кои работеле на сторијата на многу дрзок начин. Ние како ЗНМ го осудивме тоа и го оценивме тој случај како недопиустлива реакција. Друг пример е тужбата на Кочо Анѓушев кон редакцијата на ИРЛ. Кој како форма на притисок кон новинарите се јавива влијателен и богат човек кој бил носител на висока државна функција“, истакна Милан Спировски од Здружение на медиуми на Македонија (ЗНМ), на дебатата на ЦИВИЛ „Црната пропаганда против граѓанските организации“.
„Со таквиот начин на комуникација тие навлегуваат во самиот кредибилитет на новинарите и се обидуваат да ги дискредитираат, а не да ја аргументираат критиката упатена кон нив.
Како ЗНМ соработуваме со регионалните здруженија на новинари од Западен Балкан и можам да кажам дека ние како држава не сме најлоши во овој контекст.“, вели Спировски.
Тој како актуелен негативен пример наведе ситуација со здружението од Независните новинари од Србија (НУС). Тие подолг временски период биле под притисоци и црни кампањи од страна на владејачката партија во Србија.
Спировски нагласи дека кај нас притисокот кон новинарите кои се занимаваат со истражувачко новинарство, е намален во однос на периодот пред 2016 година.
„Сакам да напоменам дека притисокот кон непрофитните медиуми кои се занимаваат со истражувачко новинарство, е намален во споредба со периодот од 2016 година кога новинарите и уредниците од овие медиуми во јавноста беа често дискредитирани на лична основа и кон нив се користеше говор на омраза поради критичките текстови кон тогашните власти и локалните моќници.
Сепак и понатаму има многу примери на закани кон новинари и активисти од граѓанскиот сектор на социјалните мрежи, за дел од нив поднесени се пријави до МВР, но досега во ниеден случај нема судска завршница.
Кај нас во изминатиов период ако се спореди со периодот од пред пет години, е подобрена во однос на црните пропаганди кон граѓанските организации, но сепак бележиме вулгарни напади од претставници на парламентот и од поголемите политички партии кон новинари или група на новинари.
Добро е што во денешно време има осуди од јавни личности на овие појави, но сепак за групите навреди на правата недостасуваат правни механизми за заштите и проактивност на институциите и пред сè на Основното јавно обвинитество“, потенцира Спировски.
