Во последното деноноќие, од 6770 тестирања во изминатите 24 часа, коронавирусот е потврден кај 672 лица. Починати се пет пациенти на возраст од 48 до 85 години, а регистрирани се и 35 оздравени. Бројот на активни случаи се искачи на 4369.
Како што информира Министерството за здравство, од новозаразените со КОВИД-19, во Скопје се 230, Тетово – 115, Гостивар – 101, Куманово – 43, Кичево – 37, Струмица – 36, Охрид – 20, Струга – 13, Битола и Дебар имаат по девет нови случаи, Штип – осум, Кавадарци и Кочани по седум, Велес и Ресен по шест, Прилеп – пет, Македонски Брод – четири, Радовиш, Виница и Валандово по три, Берово и Пехчево бележат по два случаја и по еден во Свети Николе, Крива Паланка и Делчево.
Од пријавените починати лица, по двајца се од Тетово (48г и 66г) и Гостивар (59г и 85г) и еден од Виница (62г). Сите се починати во болнички услови.
Од 35-те оздравени пациенти, од Скопје се 12, Гостивар – девет, Битола и Кичево имаат по тројца, Прилеп и Струмица по двајца, а по еден оздравен пациент има во Куманово, Штип, Кочани и Свети Николе.
Од почетокот на епидемијата во земјава, бројот на КОВИД-дијагностицирани лица достигна 160 571 од направени 1 046 042 тестирања, oздравеле 150 670 пациенти, бројот на починати е 5532, а активни случаи има 4369.
Министерството за здравство соопшти дека пунктовите за вакцинација во сите здравствени установи низ државата ќе работат во текот на утрешниот ден.
Граѓаните кои сакаат да се вакцинираат, како што посочуваат од Министерството, утре ќе може да го направат тоа како и секој друг работен ден.
