Бугарски националистички европратеник Ангел Џамбазки упати нацистички поздрав во пленарната комора на Европскиот парламент во Стразбур во средата (16-ти февруари), што предизвика бес кај европратениците, откако тој зборуваше за време на дебатата за владеењето на правото во Полска и Унгарија, пренесува Еуроњуз.
На видеото од дебатата може да се види Ангел Џамбазки, кој е дел од евроскептичната група ECR, како се врти и ја пружа десната рака пред него неколку секунди пред да замине по скалите што водат до излезот на салата.
„Никогаш нема да дозволиме да ни кажувате што да кажеме и правиме. Да живеат Бугарија, Унгарија, Орбан, Фидес и Европа на националните држави“, изјави претходно пред парламентот претставникот на бугарската националистичка партија ВМРО.
Parce qu’il a défendu l’état de droit en ??, @sandrogozi s’est fait insulter par l’eurodéputé @djambazki, qui a quitté l’hémicycle en faisant un scandaleux salut nazi.
Tu as tout notre soutien Sandro.
Nous demandons à Mme Metsola, @EP_President, d’agir. pic.twitter.com/rIXrbB5wO1
— Renaissance (@Renaissance_UE) February 16, 2022
Џамбазки е член на ВМРО-БНД, предводена од Красимир Каракачанов, која беше дел од власта како помал партнер на партијата ГЕРБ (поврзана со ЕПП) на поранешниот премиер Бојко Борисов. На последните општи избори на 14 ноември ВМРО-БНД доби само 1% од гласовите и не е застапена во Собранието на Бугарија.
Џамбазки на Твитер ја опиша како „гнасно“ одлуката од средата на највисокиот суд на ЕУ – Европскиот суд на правдата – да го потврди механизмот, оспорен од Полска и Унгарија, кој дозволува блокирање на средствата на земјите каде што има прекршување на правилото закон.
Today’s ruling of the #ECJ is an abomination. There is no sane person who thinks that #HU?? or #PL?? have no functioning #RuleofLaw. Instead you use it as a whip against the nation states you despise. Long live the nation states of #Europe! pic.twitter.com/eE8ShN5Rwh
— Джамбазки (@djambazki) February 16, 2022
Потпретседателката на Европскиот парламент, Италијанката Пина Пициерно, која ја водеше дебатата, рече дека институцијата „ќе провери со камерите што се случило, за да види дали има фашистички поздрав или не“.
„Ние на никаков начин не дозволуваме фашистички гестови и симболи. Ако ова е направено, тоа е исклучително сериозно и ќе бидат преземени санкции“, предупреди таа.
Државниот секретар за европски прашања на француската влада, Клеман Бон, кој беше присутен како дел од претседателството на неговата земја со ЕУ, преку објава на Твитер го нарече гестот „скандалозен и навредлив“.
Претседателката на Европскиот парламент Роберта Мецола на Твитер напиша: „фашистичкиот поздрав во Европскиот парламент е неприфатлив за мене – секогаш и секаде“.
„Тоа ме навредува мене и сите други во Европа“, додаде таа.
„Ние се залагаме за спротивното. Ние сме Домот на демократијата. Тој гест е од најтемното поглавје од нашата историја и мора да се остави таму“.
На бугарскиот националистички Европратеник ова не му е прв пат да тредисвикува контроверзи и скандали. Џамбазки се здоби со лоша репутација и на ЕП и во Бугарија поради своето безобразно однесување.
Во 2019 година тој мораше да се извини откако даде ксенофобични забелешки за време на парламентарна дебата, кога ја нарече европратеничката Карима Дели (Зелени), „Французинка со алжирско потекло“, а европратеникот Исмаил Ертуг (СиД) „Германец со турско потекло“.
Кај европратениците не остана незабележана и неговата реакција за време на протестите пред седиштето на партијата ВРМО во Софија кога фрлаше петарди и истураше вода од противпожарно црево врз луѓето кои протестираа.
Џамбазки, во своја одбрана, испрати писмо до европратениците во кое вели дека станува збор за „ мало недоразбирање“ кога, во знак на извинување за кажаното во неговиот настап, скромно мавтал со раката кон претседателката, и се извини доколку неговото мавтање навредило некого.
Д.Мишев
