Британскиот премиер Борис Џонсон вчера во Киев се сретна со украинскиот претседател Володимир Зеленски.
На каналот Телеграм, Зеленски објави видео во кое со британскиот премиер Џонсон шетаат низ Киев.
„Правиме сè за да обезбедиме нашата следна средба со Борис Џонсон да се одржи под мирното украинско небо“, стои во објавата на Зеленски.
„Премиерот отпатува во Украина за лично да се сретне со претседателот Зеленски, во знак на солидарност со украинскиот народ. Тие ќе разговараат за долгорочната поддршка на Обединетото Кралство за Украина и премиерот ќе претстави нов пакет финансиска и воена помош“, рече портпаролот на Даунинг стрит.
Амбасадата на Украина во Британија на Твитер објави слика од Џонсон како седи спроти Зеленски на маса.
Surprise 😉 pic.twitter.com/AWa5RjYosD
— Embassy of Ukraine to the UK (@UkrEmbLondon) April 9, 2022
