Украински борци за човекови права, поранешни дисиденти и научници ги повикуваат европските лидери да дејствуваат веднаш и сега за спас на војниците од украинскиот гарнизон во фабриката Азовстал во Мариупол. Како што пренесува Украински свет, Повикот е упатен кон: турскиот претседател Реџеп Таип Ердоган, германскиот канцелар Олаф Шолц, францускиот претседател Емануел Макрон и Федерален совет на Швајцарија.
„Ние, украинските научници, бранителите на човековите права, поранешните дисиденти кои го преживеаја огромниот притисок на тоталитарниот систем, апелираме до вас, политички лидери, да и помогнете на Украина и нејзините херои.
Украинскиот гарнизон во Мариупол е целосно опкружен со непропорционален број руски војници.
Повеќе од 70 дена војската, како и цивилите кои немаа шанси да ја преживеат окупацијата, остануваат во засолништето на фабриката Азовстал. Без пристап до вода, храна, лекови. Војската не може да складира оружје. Тие се секоујдневно бомбардирани од воздух, море и копно.
Битката за Мариупол е украинската Битка кај Термопили.
Но, ние живееме во хуманистичкиот 21 век и наша должност, должност на целиот цивилизиран свет е да спасиме „300 Спартанци“ од Украина. Нивните деца, сопруги и мајки нема да ни простат на сите за недејствувањето.
Историјата на светските војни знае многу примери кога страните покажале добра волја и дозволиле војската да го напушти местото. За жал, дипломатскиот ресурс на Украина не е доволен за такви договори.
Ве охрабруваме, високо истакнати лидери, да дејствувате како трета страна во постапката за екстракција. Историјата нема да ги заборави вашите напори. Украинската нација ќе ви се заблагодарува засекогаш.
Украинскиот гарнизон во Мариупол сè уште може да се спаси. Но, времето сега се мери во часови.“, се наведува во повикот потпишан од иницијативата Прв декември, составена од украински борци за човекови права и интелектуалци, вклучително и некои поранешни украински дисиденти на советскиот режим: Ола Хнатиук, Ихор Козловски, Мирослав Маринович, Јарослав Јацкив, Володимир Јермоленко, Ихор Јухновскиј, Јевхен Захаров, Јосиф Зиселс.
