Албанскиот премиер Еди Рама, на нему свосјствен начин, преку објава на Твитер ја прокоментира реакцијата на бугарското МНР за неговиот говор на Самитот ЕУ-Западен Балкан, вчера во Брисел.
О! Бугарското Министерство за надворешни работи има проблем со мојот начин на зборување! Доволно е фер. И јас имам проблем со начинот на кој Бугарија сака да ги реши билтаралните прашања користејќи го процесот на проширување како средство за киднапирање на две земји од НАТО! Полека пријатели: Подигнете го ветото или издржете ме мене!, напиша Рама на Твитер
Oh! Bulgaria’s Foreign Ministry has an issue with my way of speaking!Fair enough.I have an issue too with the way Bulgaria wants to solve biletaral issues by using the enlargement process as e vehicle of kidnapping two NATO countries! Easy friends:Lift the VETO or bear with me!
— Edi Rama (@ediramaal) June 24, 2022
Бугарското министерство за надворешни работи во острата реакцијата на изјавите на премиерот, пред се онаа дека неукинувањето на ветото е срам, истите ги оценува како навредливи, неиспровоцирани и остри.
Вчера, Албанскиот премиер Еди Рама, на Твитер објави жестока осуда на случувањата во Бугарија и немоќта на ЕУ да донесе одлука за отпочнување преговори со Северна МАкедонија и Албанија.
Нов ден е во Европа, но не и во Бугарија! Колку е срам за Европа оваа бугарска работа! Среде многу жешка војна во дворот на Европа, земја на НАТО киднапира две други земји на НАТО под надзор на 26 земји од ЕУ кои седат мирни во страшна претстава на немоќ!, напиша Рама на Твитер.
Д.Мишев
