Службата за безбедност на Украина (СБУ) откри дека руските ракетни напади врз трговскиот центар Амстор со седиште во Кременчук биле лансирани од воздушниот простор на регионот Курск, објави Службата за безбедност на Украина на Телеграм, јавува дописникот на Укринформ.
Според шефот на Службата за безбедност на Украина Иван Баканов, СБУ собира бројни докази дека руската војска намерно извршила воено злосторство.
„Ракетите Кх-22 беа истрелани со бомбардери Ту-22М3, кои полетаа од воздухопловната база Шајковка во рускиот регион Калуга. Ракетните напади беа лансирани од воздушниот простор на регионот Курск“, се наведува во извештајот.
СБУ, исто така, објави видео од ракетниот напад, потврдувајќи дека руските окупатори го погодиле трговскиот центар со многу цивили внатре.
Може да се споредат и сателитските снимки на Кременчук пред и по ракетниот напад.
„Оттука, секоја руска пропагандна фикција може да биде побиена со факти“, нагласуваат од СБУ.
Што се однесува до претпријатието лоцирано во близина, според СБУ, немало магацини со воена опрема. Ова претпријатие порано произведуваше погони за мешање асфалт.
„Врз основа на логиката на руските окупатори, полиците на супермаркетите и погоните за мешање асфалт претставуваат закана за нив. Руската армија е банда терористи, кои сигурно ќе бидат казнети за нивните злосторства. Сите докази сега се темелно документирани“, истакна Баканов.
На 27 јуни две руски ракети го погодија градот Кременчук, регионот Полтава. Еден од проектилите погодил локален трговски центар во кој имало околу 1.000 цивили.
Подготви: Д.Мишев
