Соединетите Американски Држави префрлија уште 1,7 милијарди долари грант помош за Украина, напиша на Твитер украинскиот премиер Денис Шмихал, пренесува Укринформ.
„1,7 милијарди долари грант помош дојдоа во украинскиот буџет од Фондот за доверба на Светската банка и Агенцијата за меѓународен развој на САД. Ова е втор американски грант во последните две недели, вкупниот износ на помошта е до 3 милијарди долари. “, се вели во извештајот.
Шмихал им се заблагодари на САД и на претседателот Џо Бајден за неверојатната поддршка.
1.7 billion dollars of grant aid came to the Ukrainian budget from the Trust Fund of the @WorldBank and @USAID. This is the second US grant in the last two weeks, the total amount of aid is to 3 billion dollars. Grateful to ?? & @POTUS for incredible support.
— Denys Shmyhal (@Denys_Shmyhal) July 12, 2022
На 9 јули, на владиниот состанок, беше одобрен нацрт-договор за обезбедување на Украина со грант од 1,7 милијарди американски долари од фондот за доверба на еден донатор, создаден од IBRD, Меѓународната асоцијација за развој и УСАИД. Грантот се префрла на бесплатна, неповратна основа во државниот буџет на Украина.
Средствата ќе се искористат за покривање на трошоците од државниот буџет за плаќање на медицински услуги од програмата за медицински гаранции.
Подготви: Д.Мишев
