Русија цинично ги гранатира украинските градови и треба да биде призната како терористичка држава на меѓународно ниво, изјави украинскиот премиер Денис Шмихал во објава на Телеграма, пренесува Укринформ.
Тој ја истакнал важноста од признавањето на Русија како терористичка држава за време на разговорот со Саманта Пауер, администратор на Агенцијата на САД за меѓународен развој (УСАИД).
„Цинично и брутално гранатирање на украинските градови: Миколаев, Часив Јар, Виница. Убиени се десетици цивили. Русија ја продолжува својата политика на заплашување и тероризам. Затоа треба да биде признаена како терористичка држава на меѓународно ниво“, напиша Шмихал. .
Шмихал, исто така, забележа невидена поддршка на САД за Украина во нејзината борба против агресорот под претседателот Џо Бајден.
„Воената, економската и хуманитарната помош помага да се спасат животите на многу Украинци секој ден. И ние сме им благодарни на нашите партнери за тоа“, рече Шмихал.
Тој додаде дека за време на разговорот му се заблагодарил на УСАИД што доделиле, заедно со Светската банка, 1,7 милијарди долари директна буџетска поддршка за Украина оваа недела.
На 9 јули, на владиниот состанок, беше одобрен нацрт-договор за обезбедување на Украина со грант од 1,7 милијарди американски долари од фондот за доверба на еден донатор, создаден од IBRD, Меѓународната асоцијација за развој и УСАИД. Грантот се префрла на бесплатна, неповратна основа во државниот буџет на Украина. Средствата ќе се искористат за покривање на трошоците од државниот буџет за плаќање на медицински услуги од програмата за медицински гаранции.
Подготви: Д.Мишев
