Украинскиот министер за надворешни работи Дмитро Кулеба ги повика парламентите на сите земји да ја поддржат Украина и да го признаат вештачкиот советски холодомор од 1932-1933 година во Украина како геноцид, пренесува Укринформ.
Кулеба, во видео-обраќање објавено на Твитер профилот на украинското МНР, потсети дека Украина на 26 ноември ќе го почитува споменот на милиони невини жртви на холодоморот од 1932 до 1933 година.
Тој истакна дека пред 90 години, советскиот режим предводен од Сталин користел вештачки глад за да изгладне милиони Украинци до смрт.
Овој чин на геноцид беше ужасно злосторство, бидејќи советските власти ја одзедоа целата храна од украинските селани и ги опколија гладните села со полиција и војска, спречувајќи ги гладните луѓе да бегаат на други места, рече Кулеба.
FM: “On November 26th #Ukraine will honor the memory of millions of innocent victims of the #Holodomor genocide, 1932-1933 Soviet artificial famine in Ukraine. We call on parliaments of all nations to support Ukraine by recognizing the Holodomor as genocide of the #Ukrainians”. pic.twitter.com/Gd7MHPAjda
— MFA of Ukraine ?? (@MFA_Ukraine) October 28, 2022
„Милиони луѓе умреа од глад на плодна украинска почва. Со извршувањето на овој геноцид, Сталин сакаше да го уништи украинскиот народ за да го зацврсти својот тоталитаристички режим. Ги повикуваме парламентите на сите народи да ја поддржат Украина денес со преземање едноставен политички чекор и гласање за признавање на Холодомор, вештачкиот глад на Сталин од 1932-1933 година, како геноцид врз украинскиот народ“, рече министерот.
Тој рече дека признавањето на Холодомор како геноцид е од клучно значење, особено сега кога Русија врши уште еден геноцид врз Украинците.
Министерот истакна дека неказнетото зло со текот на времето се засилува.
„Мораме да го казниме злото за сите претходни и сегашни злосторства“, рече Кулеба.
Во екот на Холодомор (украински: Голодомор, потекнува од морити голодом, moryty holodom, „да се убие од глад“; руски: Голодомор, познат и како Терор со глад или Големиот глад, бил глад во Советска Украина од 1932 до 1933 година за време на Јосиф Висарионович Сталин, изгладнети луѓе талкаа низ украинските селата, очајни за да најдат нешто, било што што ќе можат да јадат. За време на Холодоморот, според една проценка животите ги загубија над 3,9 милиони луѓе, околу 13 отсто од населението. И, за разлика од другите кризи со глад во историјата, предизвикани од лошо временско влијание или суша, ова беше предизвикано од диктаторот Сталин кој сакаше да ги замени малите фарми во Украина со државни колективи и да ги казни независно настроените Украинци кои претставуваа закана за неговиот тоталитарен авторитет.
Подготви: Д. Мишев
