ВЕСТ НА ДЕНОТ
Донесена е одлука да продолжи заштитата на домаќинствата од повисока цена на топлинска енергија
Владата на денешната седница донесе одлука за преземање мерка за финансиска поддршка со засметување на разликата на цена на топлинската енергија на вршителите на енергетските дејности на пазарот на топлинска енергија, за потрошената топлинска енергија од страна на потрошувачите од категоријата домаќинства, во услови на кризна состојба во снабдувањето со топлинска енергија.
ИЗЈАВА НА ДЕНОТ
ВОЈНА ВО УКРАИНА
Руските команданти бегаат од Херсон Официјални претставници велат дека руските командантите „оставаат деморализирани и без лидери руски војници да се соочат со украинските напади. Според нив, Русите исто така имаат „критичен недостиг“ од муниција – вклучително и артилериски гранати, а дополнителни залихи се бараат дури и од Северна Кореја.
МНР на Украина ја повика меѓународната заедница да ја осуди Русија за депортацијата на украинските граѓани Министерството за надворешни работи на Украина остро ја осудува Руската Федерација за депортација на украинските граѓани кои живеат на привремено окупираните територии на регионите Херсон и Запорижја во Украина..
Русите убија девет цивили Во текот на изминатиот ден, како резултат на руската вооружена агресија загинаа девет цивили, а уште 16 беа повредени, објави на Телеграм заменик-шефот на Кабинетот на претседателот Кирило Тимошенко, според релевантните податоци добиени од регионалните воени администрации .
ФЛЕШ ВЕСТИ
ЗАКАНИ ЗА БОМБИ Учениците во скопските гимназии „Никола Карев“, „Орце Николов“ и „Јосип Броз Тито“ се евакуирани, поради нова анонимна закана со бомба, а МВР за „ЦИВИЛ медиа“ потврдуваат дека овие закани со бомби се пријавени во четири скопски училишта.
ЦУБВЕНЦИОНИРАНА СТРУЈА ЗА УЧИЛИШТАТА Владината мерка за снабдување на училиштата со електрична енергија по субвенционирана цена од 95 евра за мегават/час е голема поддршка за непречено организирање на наставата во форма која е од најголем интерес за учениците – со физичко присуство во училниците, соопшти МОН.
СРЕДБА ГЕРАСИМОВСКИ – ЕСКОБАР Градоначалникот на Општина Центар Горан Герасимовски, кој е во посета на САД организирана од американската Амбасада во Република Северна Македонија, се сретна со претставникот на Стејт Департментот за Западен Балкан, Габриел Ескобар
ЗАКОН ЗА СУДСТВО Собранието ги донесе законите за судска, за јавнообвинителската служба и за извршување на санкции со кои се зголемуваат платите на вработените, објави на својот Фејсбук профил министерот за правда Никола Тупанчевски.
ЛИДЕРСКА СРЕДБА Премиерот Димитар Ковачевски најави повик до парламентарните политички партии за лидерска средба, која би се одржала в понеделник на 7 ноември во 12 часот во Собранието на Република Северна Македонија. Од Алијансата за Албанците се изјаснија дека ќе присуствуваат на средбата и дека се отворени за понатамошен дијалог во врска со отворањето на Уставот. Од ДУИ велат дека сите партии треба да присуствуваат на средбата на лидерите на парламентарните партии, бидејќи се наоѓаме пред една многу важна точка на патот кон ЕУ.
АНАЛИЗИ
Отворен Балкан делуваше како дефибрилатор за Берлинскиот процес. Го реанимираше и го врати во живот после две години „контролирана кома“. „Чудото“ ги охрабри Босна и Херцеговина, Косово и Црна Гора, заедно со Албанија, Србија и Северна Македонија, да стават потписи на три важни договори за продуктивна регионална соработка: Договорот за слобода на движење и престој на граѓаните, односно за меѓусебно признавање на личните карти; Договорот за признавање на академските квалификации и Договорот за меѓусебно признавање на стручните квалификации за лекари, стоматолози и архитекти, анализира Зоран Бојаровски во текстот „ Отворен Балкан како реаниматор за Берлинскиот процес“
Сами по себе методите на пропагандата не се зли кога промовираат благородни човечки вредности (слични методи има во педагошки припремените материјали во наставата со помали деца). Но, кога се спротивни на вредностите, може опстанокот да ни зависи од нашата моќ за нивно препознавање и неутрализирање. Пропагандните центри со тесни сопствени каузи, некомпатибилни со добробитта на луѓето во државата (не само нашата) и воедно игноратни кон опстанокот или развојот на човековата раса општо, не одмараат со дезинформациите, поларизацијата меѓу конзументите и, најстрашното, редефинирањето на поимите кои се поврзани со човечките вредности. Веќе не е доволно една посилна црна пропаганда само да ја проверат сервисите за проверка на факти и да ја означат со сеопфатниот термин „дезинформација“ или „лажни вести“, туку секој од нас треба да се вгради во општеството така што ќе ѝ одзема од ефективноста, пишува Емилија Целакоска во „ Здрав домашен рецепт за неутрализација на пропаганда“.
Д. Мишев
