Судот во Њујорк донесе пресуда против компанијата на поранешниот американски претседател Доналд Трамп поради даночна измама. Казната која фирмата треба да ја плати е 1,61 милиони долари, пренесува Слободен печат.
Паричната казна беше единствената казна што судијата можеше да и ја изрече на Организацијата Трамп во нејговата пресуда за 17 даночни злосторства, вклучително и заговор и фалсификување деловни книги.
Компанијата на американскиот милијардер, кандидат за републиканска номинација на претседателските избори во 2024 година, е суден за финансиска измама и за фалсификување даночни пријави со цел да се скрие финансискиот надомест на некои високи функционери од УЈП.
Ова е прв ваков случај кој е изведен пред кривичен суд против групацијата на поранешниот американски претседател (2017-2021), која вклучува голф терени, луксузни хотели и недвижен имот. Trump Organization ја очекува уште поголемо граѓанско судење за друг случај на измама во 2023 година.
„Денес, компаниите на поранешниот претседател Трамп беа осудени на максимални казни дозволени со закон, по историските пресуди за 17 кривични дела“, изрази задоволство главниот обвинител Алвин Брег.
Две компании, Trump Corporation и Trump Payroll Corporation, биле конкретно обвинети за обезбедување финансиски и во натура бенефиции за високи функционери, криејќи ги од даночните власти за да избегнат плаќање даноци, од 2005 до 2018 година.
