Патнички воз и товарен воз се судрија во северна Грција, при што загинаа најмалку 32 лица, а 85 се повредени. Над местото на несреќата се креваат густи облаци чад, јавуваат очевидците, објави Фронтлајн.
Несреќата се случила нешто пред полноќ во близина на долината Темпи во северна Грција, соопшти Грчката противпожарна служба, а пренесе Фронтлајн.
Патнички воз и товарен воз се судрија во северна Грција, при што загинаа најмалку 32 лица, а 85 се повредени додека обрачи чад го исполнија ноќното небо.
Несреќата се случила нешто пред полноќ во близина на долината Темпи во северна Грција, соопшти Грчката противпожарна служба. Најмалку 53 од повредените сè уште се хоспитализирани до моментот на подготовка на овој извештај во 7:15 часот.
„Процесот на евакуација е во тек и се изведува под многу тешки услови, поради сериозноста на судирот меѓу двата воза“, изјави портпаролот на противпожарната служба Василис Вартакојанис на прес конференција со новинарите утринава.
Оштетувањата на вагоните на возот се толку сериозни што се користат камиони со кранови за да помогнат во извлекувањето на возилата, рече Вартакојанис на средбата со медиумите. Тој додаде дека операциите за пребарување и спасување сѐ уште се во тек, непосредно пред изгрејсонце во утрово, и дека спасувачките работници се фокусираат на два превртени патнички воза.
Властите ги превезуваа телата на загинатите во болниците за идентификација, а најмалку 194 преживеани патници, вклучително и оние кои бараа лекарска помош, се префрлени во Солун со автобус.
Причината за оваа стравична несреќа во моментов е непозната.
Фронтлајн, исто така, објави и статистики за железничките несреќи во Грција.
Безбедноста на железницата во Грција е под лупа во последниве години, а несреќата што се случи доцна ноќта во вторникот е една од најсмртоносните во земјата во последните децении, објави Фронтлајн.
Грција го презема крвавото водство според бројот на смртните случаи и повредените во железничките несреќи во ЕУ, со околу 25 жртви годишно, според Европската мрежа за дата новинарство. Проблемите главно се предизвикани од небезбедни премини на шините, лоша инфраструктура и системи за управување со сообраќајот и недостаток на персонал.
Во судирот меѓу возови во 1968 година во древниот крајбрежен град Коринт загинаа најмалку 34 лица, а десетици беа повредени.
Грција има највисока вкупна стапка на смртност во несреќи во железницата од сите 29 земји кои се предмет на анализа во извештајот за безбедност на Агенцијата за железници на ЕУ од 2022 година и седма највисока стапка на смртност кај патниците.
Најмалку 11 фатални судири на воз или излетување од шините се регистрирани во Грција во периодот од 1980 до 2019 година, се вели во анализата на главните железнички линии во Европа од Центарот за транспортни студии на Империјал колеџот во Лондон.
Извор: FRONTLINE
