Во изминатите 30 години одредени верски лидери со нивните изјави прават да го свртат вниманието кон себе, отколку што тие нивни изјави навистина може да го нарушат секуларниот карактер на државата, вели универзитетскиот професор Цане Мојановски, на прашањето на ЦИВИЛ Медиа – Дали религијата смее да се меша во уредувањето на секуларната држава како што е нашата?
Изјавата на метрополитот Петар и изјавите на други верски заедници, може да се виде дека честопати е маглата која се задржува на јавната сцена позади која се случуваат други реални интереси… Македонското општество е секуларно и институции имаат јасен концепт без разлика какви се дебатите во цивилното општество, вели Мојановски.
Универзитетскиот професор вели дека од оваа дебата ние ќе бидемоме побогати за субјектите кои имаат различни гледишта.
„Ќе изнедриме повеќе аргументи во однос на тезиите за кои сметаме дека треба со закон да се уредат и дека притисоците преку јавното мнение, медиумите, невладините организации ќе бидат дел од таа општа дебата на водечките сили. На оние на законодавниот дом е да ги вградува и да ја гради политиката според стратешкиот интерес во кој правец се развива заедницата. И во тој процес некој ќе бидат повеќе среќни, некој помалку среќни“, вели тој.
Мојановски потенцира дека личните изјави и гледишта на поедници се познати и тие помалку или повеќе предизвикувале непотребна идентификација со верската организација и институција и тоа не е секогаш во интерес на етаблирање на таквите институции во општеството.
Дехран Муратов
камера и монтажа: Ариан Мехмети
