Управата за јавни приходи најостро ги демантира наводите од страна на ВМРО ДПМНЕ, во кои по кој знае кој пат, изнесуваат невистини за работењето на УЈП и на тој начин се обидуваат да нанесат штета врз работењето на институцијата.
Случаите за кои кој денеска зборуваше Стоилковски, не се дел од презентираната афера од понеделникот, се наведува во демантот.
Во однос на посочените даночни обврзници, кои ги презентираше ВМРО ДПМНЕ, УЈП информира дека нема извршен поврат како што беше наведено од страна на ВМРО ДПМНЕ.
Кај посочените даночни обврзници, кои ги презентираше ВМРО ДПМНЕ, е информирано дека по извршените контроли од страна на УЈП се преземени сите постапки.
Обврзниците доставиле даночни пријави со даночно побарување – аконтации оставени за идни периоди (а не барања за поврат како што е изнесено во јавноста). Износот од 22,000.000 евра кој го споменуваат од ВМРО ДПМНЕ е износ кој е објавен во листа на должници кој всушност преставува даночен долг, а не поврат, и е врз основа на извршена контрола, за барање на поврат на ДДВ, се додава во демантот.
Управата за јавни приходи нагласува дека побарани се податоци за патните исправи кои се наведени во историјатот на промени во Централен регистар на РСМ и исто така известена е Управата за финансиска полиција за нивно запознавање и понатамошно постапување.
Од УЈП апелираат јавноста да не потпаѓа на овие манипулации и да ги следи само официјалните информации кои доаѓаат од страна на надлежните институции.
Во Управата за јавни приходи работат професионалци кои одлично си ја знаат работата и за сите обиди за било какви малверзации согласно со надлежностите се преземаат соодветни постапки, се вели во демантот на УЈП.
