Во врска со показната вежба на Единицата за интервентна полиција на 28.02.2024 година, кога при изведување на показна вежба презентираше лишување на лице од слободе кое беше облечено во маица идентитчна со маиците кои порано ги носеа припадниците на САЕ-Тигар, што јасно се гледа од Фотографиите и видео инсертите направени при посетата на техничкиот министер за внатрешни работи Панче Тошковски на Единицата за интервентна полиција, каде што била изведена показна вежба, реагираа припадниците на Тигрите, за оваа, како што велат скандалозната и навредлива постапката.
Навредени сме и револтирани од постапката на Интервентната полиција, велат припадниците на САЕ Тигар, особено што фотографиите од ваквото апсење и видеото од вежбата се објавени преку официјалните канали на Министерството за внатрешни работи.
Но, барем досега, изостана извинување или било каква друга реакција на изнесениот револт од страна на техничкиот министерзавнатрешниработи.
Во врска со настанот, министерката за одбрана, Славјанка Петровска, во изјава за Цивил Медиа истакна дека очекува разрешување на сценаристот и јавно извинување од техничкиот министер за внатрешни.
Ваквата постапка, па дури и како дел од сценарио за вежба претставува свесно понижување на специјалната антитерористичка единица Тигар, гордост на МВР и дел од најелитните безбедносни сили на нашата држава. Ова е резултат на поставување партиски кадри или временото враќање на МВРО ВМРО. Очекуваме разрешување на сценаристот и јавно извинување од министерот за внатрешни, кој немо го следеше ова понижување, вели Петровска.
Драган Мишев
ПРОЧИТАЈТЕ И:
