Претседателот на Комитетот за надворешни работи во германскиот парламент (Бундестаг), Михаел Рот изјави дека Србија не може да влезе во Европската унија додека на чело на Србија е Александар Вучиќ, кој во понеделникот ја предупреди западната заедница дека мора изберат меѓу Косово и Србија.
„Претседателот Вучиќ нешто погрешно разбра. Перспективата за членство во ЕУ не важи само за Србија, туку и за сите држави од Западен Балкан, вклучувајќи го и Косово. Не постојат работи како „или Србија или Косово“.
Но, Вучиќ е во право, со него на чело нема можност Србија да влезе во ЕУ“, објави Рот на платформата „Х“ по заканите на српскиот претседател кон Косово.
Präsident Vucic hat da etwas missverstanden. Die EU-Beitrittsperspektive gilt nicht nur für Serbien sondern für alle Westbalkan-Staaten inklusive Kosovo. Ein „entweder 🇷🇸 oder 🇽🇰“ gibt es nicht. Aber Vucic hat recht, mit ihm an der Spitze führt kein Weg Serbiens in die EU. https://t.co/50WGRRLy4J
— Michael Roth – official 🇪🇺🇺🇦🇮🇱 (@MiRo_SPD) March 19, 2024
Српскиот претседател во соопштение за печатот изјави дека доколку „тие“ го изберат Косово пред Србија, тогаш српската држава „ќе го почека моментот и ќе ја искористи можноста“.
Сепак, многу странски аналитичари сметаат дека надежите на западната заедница дека европската перспектива на Србија ќе го натера Вучиќ да се придржува до демократските норми во земјата и да се воздржува од постојано поткопување на соседните држави, веќе се уништени – Србија продолжува да маршира според многу поинаков ритам на тапани, од остатокот на европскиот континент.
Д. Т.
