ВЕСТ НА ДЕНОТ
Џо Бајден се повлекува од трката за претседател на САД
Американскиот претседател Џо Бајден најави дека ќе ја прекине својата кандидатура за реизбор, велејќи дека „тоа е во најдобар интерес на мојата партија и на земјата“, објави Би-би-си.
Во писмото објавено на неговиот профил на социјалните мрежи, тој рече дека му било најголема чест во животот да служи како претседател.
„И додека мојата намера беше да барам реизбор, верувам дека е во најдобар интерес за мојата партија и за земјата да се откажам и да се фокусирам исклучиво на исполнување на должностите како претседател до крајот на мојот мандат“.
Потпретседателката Камала Харис рече дека планира да бара номинација од Демократската партија откако претседателот Џо Бајден се повлече и ја поддржа, вршејќи притисок што може да ја направи првата Црна жена и првата Азијка Американка што ќе предводи голема политичка партија и ќе биде претседателски кандидат.
„Почестена сум што ја имам поддршката од претседателот и мојата намера е да ја заработам и да ја освојам оваа номинација“, рече таа во изјавата, пренесува Си-ен-ен.
ИЗЈАВА НА ДЕНОТ
Пандов обвинува дека директорот на затворот „Шутка“, Сокол ослободувал затвореници за пари, од СДСМ велат дека Пандов ги пуштил на слобода осудените за „27 април“.
РЕГИОН
Експлозивна направа била фрлена во неделата напладне кај Ујманското езеро. Веста ја потврди заменик директорот на полицијата за север, Ветон Елшани, пренесоа косовските медиуми.
СВЕТ
Украинците изведоа уште еден успешен напад со беспилотни летала на цели на руска територија. Нафтена рафинерија во рускиот град Туапсе на брегот на Црното Море се запали откако над 75 беспилотни летала целеа повеќе руски региони во текот на ноќта на 22 јули, соопштија локалните власти.
Ударот против рафинеријата го извршила украинската воена разузнавачка служба (ХУР), потврдил извор во агенцијата за Кијив Индипендент подоцна истиот ден.
Д.М.
