Рано утринава во реонот на градот Белград, БИА спровела контраразузнавачка акција и наводно уапсила хрватски шпион, тврди српскиот весник Вечерње новости, инаку близок до владата на Александар Вучиќ.
Како што наведува весникот, акцијата е резултат на неколкумесечната оперативна работа на БИА и „продолжувањето на сузбивањето на наводната шпионажата и деструктивно-субверзивните активности на хрватската разузнавачка и безбедносна служба СОА“, пренесува Дневник.хр.
Поранешниот шеф на операциите на СОА, Анте Летица, во Студио 4 на ХРТ го коментираше случајот.
„Кога имате шпион на вашата територија, тогаш неговото апсење и неговото гонење се последниот чекор во борбата против разузнавачките активности на странските служби на вашата територија. Тоа е последниот чекор и се прибегнува кога ништо друго не може да се направи или кога сакаш да испратиш порака до некоја влада, некоја држава итн. Во овој случај мислам дека ова е порака до Хрватска, порака за Вучиќ, за неговата сила и за неговата наводна големина, па ќе видиме како ќе заврши до крај“, рече Летица.
Подготви: Д. Мишев
