ВЕСТ НА ДЕНОТ
Пред канцелариите на Град Скопје попладнево се одржува протест поради состојбата со јавниот превоз и недостиг на автобуси во главниот град.
Во Скопје три дена не сообраќаа автобуси поради тоа што ЈСП Скопје немаше нафта. Возеа само триесетина автобуси од кои 25 возат на гас. Состојбата од денеска е надмината откако Владата донесе одлука на ЈСП да му се даде нафта за седум дена од државните резерви.
Пред Град Скопје своето незадоволство го искажуваат жители на Шуто Оризари, организирани од градоначалникот Курто Дудуш, Сојузот на средношколци на Република Северна Македонија, а со барање за нормализирање на јавниот превоз излегоа и студентите од УКИМ.
„Доколку не се реши проблемот со јавниот превоз ќе протестираме секоја недела“, вели Дудуш.
ИЗЈАВА НА ДЕНОТ
– Во овој дух, албанската азбука е потсетник како писменоста и образованието се мостови помеѓу луѓето, не темите кои нè разделуваат, не политичките барања на поединци кои многу години се криеја зад народот кого го крадеа, јасното фокусирање кон приоритетите, кон јасните приоритети, реалните потреби за образование, економија и напредок ни помагаат да ги надминеме, истакна во обраќањето премиерот, Христијан Мицкоски на свечена академија по повод 22 Ноември, Денот на албанската азбука.
РЕГИОН
Бугарското Народно собрание по петти пат не успеа да избере свој претседател
И петтиот обид за избор на претседател на 51. состав на бугарското Народно собрание пропадна. Според процедуралните правила, за избран ќе се смета кандидатот кој добил повеќе од половина од гласовите на присутните во пленарната сала.
Повторно најмногу гласови собра доајенот и претседавач со седницата Силви Кирилов од „Има таков народ“ (ИТН). Тој доби 101 глас „за“, 99 пратеници беа „против“, а 37 воздржани. Него го поддржаа 17 пратеници од „Продолжуваме со промените-Демократска Бугарија“, 35 од „Преродба“, 19 од „Сојуз за права и слободи“, ИТН – 18, МЕЧ – 12. Против Кирилов беа еден пратеник од ПП-ДБ, 30 од „ДПС-Нов почеток“ и 68 од ГЕРБ-СДС. „Воздржано“ гласаа 17 народни претставници од ПП-ДБ и 20 од „БСП-Обединета левица“.
СВЕТ
Реакции на потерницата од Меѓународниот кривичен суд за апсење на израелскиот премиер Бенјамин Нетанјаху
Унгарскиот премиер Виктор Орбан изјави дека ќе го покани израелскиот премиер Бенјамин Нетанјаху да ја посети Унгарија, велејќи дека налогот за апсење на Нетанјаху издаден од Меѓународниот кривичен суд (МКС) „нема воопшто да го разгледува.”
СЛОБОДНА ЗОНА
„Останува секојдневната комуникација на граѓаните меѓу себе. Овде стрпливо мора да се работи на основата за тоа. Важна е довербата и меѓусебното почитување па полесно ќе се најде јазикот на кој ќе се прави тоа. Ако е казнето човештвото од Господа за своите гревови со поделбата на јазиците на кои говори, колку треба да трае покајанието па да се влезе во чистилиштето“, пишува Војо Маневски во колумната „На кој јазик можеме да се разбереме“?
Д. Муратов
