Соборениот сириски претседател Башар ал Асад со членовите на неговото семејство е во Москва, откако доби азил од Русија, јави руска државна новинска агенција, повикувајќи се на извори во Кремљ.
Советот за безбедност на Обединетите нации попладне по локално време зад затворени врати ќе одржи итен состанок за ситуацијата во Сирија, по паѓањето на режимот на претседателот Башар ал Асад, пишува францускиот весник „Фигаро“.
Консултациите, на барање на Русија, ќе се одржат со почеток во 15 часот по локално време, прецизира парискиот весник, повикувајќи се на неколку дипломатски извори.
Русија вчера повика да се одржат итни консултации во Советот за безбедност на Обединетите нации за Сирија, изјави извор од ОН за руските медиуми.
