На панелот „Подемот на крајниот десничарски национализам“, дел од меѓународната конференција „Одбрана на демократијата и човековите права“, д-р Александар Спасов рече дека национализмот веќе се брендира, има општ пораст на десничарски екстремизам.
„Десничарскиот национализам се развива. Крајната десница е тука и засекогаш ќе мора да живееме со тоа и да се бориме да не дојдат на власт, како во Русија… Предолго време збориме за десничарскиот национализам, но не правиме ништо да се сузбие
Тешко ми е да сфатам како умните луѓе, активистите, социлајдемократите не направија ништо за спречување на десничарскиот екстремизам. Во сите земји во Западен Балкан и Северна Македонија политичкиот екстремизам е во пораст“, “, вели Спасов.
Тој додаде кека во Северна Македонија граѓаните се целосно разочарани од правниот систем.
„Кога луѓето не веруваат во правниот систе, во судот, прибегнуваат кон правдата да ја земат во свои раце, на улица“, истакна Спасов.
Тој додава дека Балканот има историја на национализам.
„Кај нас сега се појавуваат уште подесничарски партии, кои радикално настапуваат пред јавноста. Со ваквите реторики и говори наместо да им се намалува рејтингот, на нив им се зголемува“, вели тој.
Спасов потенцира дека многу е лесно да се борите со корупцијата против поранешните министри, се бориш со криминалот и корупцијата кога се бориш со своите министри.
Д-р Александар Спасов е вонреден професор по правни науки на Правниот факултет „Јустинијан Први“, Св. Кирил и Методиј“, Скопје. Тој служеше како советник на премиерот на Северна Македонија (2017-2019) и претседател (2019-2024), фокусирајќи се на надворешната политика, внатрешната политика и уставните прашања и го претставуваше претседателот во Националниот совет за евроинтеграции.
Панелот е дел од Меѓународната конференција „Одбрана на демократијата и човековите права“ во Скопје.
Конференцијата се состои од четири сесии, во кои учествуваат повеќе од 25 учесници од Северна Македонија, регионот, Европа и САД, како и изложба и штандови со изданија на организацијата која оваа година одбележува 25 ГОДИНИ од основањето.
